28 اپریل ، 2023 
سوڈان میں شہریوں کے انخلاء کیلئے آنے والے ترک طیارے پر فائرنگ
28 اپریل ، 2023
ترکیہ کی وزارت دفاع نے تصدیق کردی ہے کہ سوڈان کے دارالحکومت ترخوم کے باہر ترک شہریوں کے انخلاء کیلئے جانے والے طیارے پر فائرنگ کا واقعہ پیش آیا ہے۔
غیر ملکی میڈیا رپورٹ کے مطابق ترک وزارت دفاع کا کہنا ہے کہ واقعے میں کوئی زخمی نہیں ہوا جبکہ طیارے کو بحفاظت وادی سیدنا میں اتارلیا گیا۔
سوڈانی دارالخلافہ میں ترکیہ کے طیارے پر فائرنگ کے واقعے کے بعد ترک محکمہ دفاع کا کہنا تھا کہ پورٹ سوڈان سمیت مختلف شہروں میں پھنسے ترک شہریوں کے بحفاظت انخلاء کیلئے ہر صورت کوششیں جاری رکھی جائیں گے۔
دوسری جانب سوڈانی فوج نے ترکیہ کے طیارے پر فائرنگ کے واقعے کا الزام باغیوں پر لگاتے ہوئے کہا کہ فائرنگ کرکے طیارے کے فیول سسٹم کو نقصان پہنچانے کے واقعے میں پیراملٹری ملوث ہے جبکہ ریپڈ سپورٹ فورس نے فوج کے الزامات کو مسترد کرتے ہوئے کہا کہ وہ انسانی بنیادوں پر جنگ بندی کے اپنے وعدے پر کاربند ہیں۔
واضح رہے کہ سوڈانی فوج اور باغیوں کے درمیان گزشتہ شب مزید تین دن کیلئے جنگ بندی پر رضامندی پر اتفاق کیا گیا تھا۔ پہلی جنگ بندی کے دوران کئی ممالک نے انخلاء کیلئے کیے گئے آپریشنز کے ذریعے اپنے ہزاروں شہریوں کو بحفاظت سوڈان سے نکال لیا تھا۔
مزید خبریں :
روس کا یوکرین پر اب تک کا سب سے بڑا ڈرون حملہ
12 گھنٹے پہلے
سعودی عرب کے مختلف شہروں میں آج بارش کا امکان، اسکول بند
26 نومبر ، 2024
کینیڈا: زو کیپر کی غفلت سے 2 سالہ گوریلا ہلاک
26 نومبر ، 2024
امریکا کے نومنتخب صدر ڈونلڈ ٹرمپ کے خلاف 6 جنوری کا کیس ختم
26 نومبر ، 2024
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
