07 مئی ، 2023 
آج بابر کا 100واں ون ڈے! پی سی بی نے پہلے میچ کی ویڈیو شیئرکردی
07 مئی ، 2023
قومی کرکٹ ٹیم کے کپتان اور ان گنت ریکارڈز اپنے نام کرنے والے بابر اعظم آج نیوزی لینڈ کے خلاف اپنے ون ڈے میچز کی سنچری پوری کرنے والے ہیں۔
پاکستان اور نیوزی لینڈ کے درمیان پانچ میچز کی سیریز کا آج آخری میچ کراچی میں کھیلا جائےگا جو بابراعظم کےکیریئرکا 100واں ایک روزہ میچ ہوگا۔
اس حوالے سے پاکستان کرکٹ بورڈ (پی سی بی) نے ماضی کی یادیں تازہ کرتے ہوئے بابر اعظم کی 2015 کی ویڈیو شیئر کی ہے جب انہوں نے ون ڈے میچز میں ڈیبیو کیا تھا۔
ویڈیو کے کیپشن میں لکھا گیا 'بابراعظم اپنا 100 واں ون ڈے کھیلنے کے لیے تیار ہیں، آئیے 2015 میں ان کی پہلی اننگز کی 60 گیندیں دیکھ کر جشن مناتے ہیں'۔
بابر نے اس میچ میں 54 گیندوں پر نصف سنچری اسکور کی تھی اور 60 گیندوں پر 54 رنز بناکر آؤٹ ہوگئے تھے۔
