13 مئی ، 2023 
مشیرِ کھیل پنجاب وہاب ریاض کی ہاکی اولمپئن زاہد شریف سے ملاقات
13 مئی ، 2023
پنجاب کے مشیرِ کھیل وہاب ریاض نے ہاکی اولمپئن زاہد شریف سے ملاقات کی ہے۔
اس موقع پر وہاب ریاض نے کہا کہ کھیلوں سے منسلک تمام ہیروز ہمارے ملک کی شان اور پہچان ہیں اور زاہد شریف صاحب نے ملک کا نام عالمی سطح پر روشن کیا ہے۔
وہاب ریاض نے کہا کہ پنجاب اسپورٹس انڈونمنٹ فنڈ میں ویٹرنز کے لیے خصوصی پیکج موجود ہے، پنجاب حکومت کی جانب سے ان کے لیے ماہانہ 35 ہزار روپے وظیفے کا اعلان کیا ہے۔
انہوں نے کہا کہ مشکل وقت میں ہم سب ان کے ساتھ ہیں، پنجاب سمیت ملک بھر کے کھلاڑیوں کی فلاح کے لیے ہمہ وقت موجود ہوں۔
مشیر کھیل پنجاب نے کہا کہ کھلاڑیوں کے لیے اگلے مالی بجٹ میں تاریخی پیکج لا رہے ہیں۔
اولمپئن زاہد شریف دل کے عارضہ میں مبتلا ہیں اور انہوں نے حکومت سے صحت و دیگر امور پر معاونت کی اپیل کی تھی۔
وہاب ریاض نے ان کی اپیل پر نوٹس لیتے ہوئے ماہانہ وظیفے کا اعلان کیا تھا۔
زاہد شریف کی حالت کے بارے میں جیو نیوز پر رپورٹ بھی نشر کی گئی تھی۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
