17 مئی ، 2023 
علی زیدی کی نظربندی ختم، فوری طورپرجیکب آباد جیل منتقلی کا نوٹیفکیشن جاری
17 مئی ، 2023
محکمہ داخلہ سندھ نے پاکستان تحریک انصاف کے رہنما علی زیدی کی نظر بندی ختم کردی۔
گزشتہ دنوں علی زیدی کے گھر کو سب جیل قرار دیا گیا تھا اور انہیں ڈیفنس میں موجود رہائش گاہ پر رکھا گیا تھا۔
تاہم اب محکمہ داخلہ سندھ نے علی زیدی کی نظر بندی ختم کردی ہے اور جیکب آباد جیل منتقل کرنے کا حکم دیا ہے۔
محکمہ داخلہ سندھ کے نوٹیفکیشن کے مطابق علی زیدی کو فوری طورپرجیکب آباد جیل منتقل کیا جائے گا۔
دوسری جانب محکمہ داخلہ سندھ نے پی ٹی آئی رہنما فردوس شمیم نقوی کو ایم پی او کے تحت سکھر جیل منتقل کرنے کا حکم دیا ہے۔
محکمہ داخلہ سندھ نے فردوس شمیم کی سکھر جیل منتقلی کا نوٹیفکیشن جاری کردیا۔
خیال رہے کہ علی زیدی نے کراچی میں میڈیا سے گفتگو میں پی ٹی آئی نہ چھوڑنے کا اعلان کیا تھا۔
