پی ٹی آئی کے سابق رہنما محمود مولوی کس سیاسی جماعت میں شامل ہونگے؟

کراچی: پاکستان تحریک انصاف (پی ٹی آئی) کے سابق رکن قومی اسمبلی اور  وزیراعظم عمران  خان کے سابق مشیر برائے بحری امور  محمود مولوی نے دعویٰ کیا ہےکہ  انہیں استحکام پاکستان پارٹی سمیت پیپلز پارٹی اور متحدہ قومی موومنٹ (ایم کیو ایم) نے بھی شمولیت کی دعوت دی ہے۔

ایک بیان میں محمود مولوی کا کہنا تھا کہ استحکام پاکستان پارٹی میں شمولیت کا فیصلہ پیریا منگل کوکروں گا۔

محمود مولوی کا کہنا تھا کہ آفر دیکھ کر فیصلہ کروں گا کہ سیاسی جماعت میں شمولیت کی پیشکش قبول کرنی ہے یا نہیں۔

ان کا کہنا تھا کہ میں، عمران اسماعیل اور  علی زیدی انفرادی سطح پر فیصلہ کریں گے۔

خیال رہےکہ محمود مولوی رواں سال فروری میں کراچی سے قومی اسمبلی نشست این اے 245 پر رکن اسمبلی منتخب ہوئے تھے، وہ سینیئر نائب صدر پی ٹی آئی کراچی بھی رہے ہیں۔

انہوں نےگزشتہ ماہ 16 مئی کو تحریک انصاف چھوڑنے اور قومی اسمبلی کی نشست سے مستعفی ہونےکا اعلان کیا تھا، وہ 9 مئی کو  پی ٹی آئی کے  پرتشدد احتجاج کے بعد پارٹی چھوڑنے والے تحریک انصاف کے پہلے رہنما تھا۔

واضح رہے کہ سینیئر سیاستدان جہانگیر ترین نے گزشتہ دنوں اپنی سیاسی جماعت ’استحکام پاکستان پارٹی‘ کے قیام کا باضابطہ اعلان کیا تھا،  تحریک انصاف کے سابق جنرل سیکرٹری کی پارٹی میں شامل ہونے والوں کی اکثریت پی ٹی آئی کے سابق ارکان پر مشتمل ہے۔

جہانگیر ترین کی پارٹی میں جانیوالے زیادہ تر لوگ مسافر ہیں، خواجہ آصف

جس امیدوار کے ساتھ ووٹ بھی موجود ہوں اس سے بات کی جا سکتی ہے ، تاہم جہانگیر ترین سے ہمارا اچھا تعلق موجود ہے، خواجہ آصف

جہانگیر ترین نے نئی سیاسی جماعت ’استحکام پاکستان پارٹی‘ کے قیام کا باضابطہ اعلان کردیا

9 مئی کے منصوبہ سازوں کو انجام تک نہ پہنچایا تو سیاسی مخالفین کےگھروں پر حملے بھی جائز سمجھے جائینگے، ترین، ایسا پاکستان بنانا ہے جس میں پارلیمان، عدلیہ اور اسٹیبلشمنٹ ایک پیج پر ہوں: علیم خان