09 جولائی ، 2023 
شندور پولو فیسٹیول چترال نے اپنے نام کرلیا
09 جولائی ، 2023
تین روزہ تاریخی شندور پولو فیسٹیول چترال نے اپنے نام کرلیا۔
پولو فیسٹیول میں چترال نے گلگت بلتستان کو 5 گول کے مقابلے 7 گول سے شکست دے دی۔
کورکمانڈر پشاورلیفٹیننٹ جنرل حسن اظہر حیات فائنل میچ کے مہمان خصوصی تھے۔ترجمان کے پی ٹورازم اتھارٹی محمد سعد کے مطابق فیسٹیول میں ملکی و غیرملکی سیاحوں نے کثیر تعداد میں شرکت کی۔
اختتامی میچ میں کیلاشی رقص سمیت مختلف بینڈز نے فن کا مظاہرہ کیا۔
ترجمان کے پی ٹورازم اتھارٹی نے بتایا کہ میچ کے دوران پیراگلائیڈنگ کا بھی شاندار مظاہرہ کیا گیا۔
میچ کے اختتام پرمختلف اسکولوں کے طلبا نے خصوصی ملی نغمے بھی پیش کیے۔
خیال رہے کہ شندور پولو گراؤنڈ سطح سمندر سے 12 ہزار فٹ سے زیادہ بلندی پر واقع ہے، اس گراؤنڈ میں ہر سال موسم گرما میں چترال اور گلگت کی پولو کی ٹیمیں حصہ لیتی ہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
