11 جولائی ، 2023 
گلستان جوہر میں لڑکی پر جنسی حملہ کرنے کے الزام میں ایک مشتبہ شخص گرفتار
11 جولائی ، 2023
کراچی کے علاقے گلستان جوہر میں لڑکی پر جنسی حملہ کرنے کے الزام میں پولیس نے ایک مشتبہ شخص کو حراست میں لیا ہے۔
سینیئر سپرنٹنڈنٹ آف پولیس (ایسی ایس پی) ایسٹ زبیر شیخ کا کہنا ہے کہ مشتبہ شخص سی سی ٹی وی ویڈیو میں نظر آنے والے شخص سے مشابہت رکھتا ہے، زیر حراست شخص سے ایک موٹرسائیکل بھی تحویل میں لی ہے جو کہ ویڈیومیں نظر آنے والی موٹر سائیکل جیسی لگتی ہے، اس حوالے سے مزید تفتیش جاری ہے۔
خیال رہے کہ گلستان جوہر میں گلی میں جاتی لڑکی پر جنسی حملہ کرنے کے خلاف سرکار مدعیت میں مقدمہ درج کیا جا چکا ہے اور تفتیش جاری ہے۔
ویڈیو میں دیکھا گیا کہ گلی میں ملزم موٹر سائیکل کے پاس کھڑا ہے، اس دوران باحجاب لڑکی گلی سے گزرتی ہے تو ملزم اس کے ساتھ زیادتی کرنے کی کوشش کرتا ہے، لڑکی کے مزاحمت کرنے پر ملزم موٹر سائیکل پر بیٹھ کر فرار ہوجاتا ہے۔
ملزم کی موٹر سائیکل پر نمبر پلیٹ بھی نہیں لگی ہوئی تھی جب کہ ملزم نے شناخت چھپانے کیلئے ماسک بھی پہنا ہوا تھا۔
