12 جولائی ، 2023 
پی ٹی آئی پر پابندی کی درخواست، رجسٹرار سپریم کورٹ کے اعتراضات کیخلاف چیمبر اپیل دائر
12 جولائی ، 2023
اسلام آباد: وزیراعظم شہباز شریف کے مشیر اور استحکام پاکستان پارٹی کے ایڈیشنل سیکرٹری جنرل عون چوہدری نے پاکستان تحریک انصاف (پی ٹی آئی) پرپابندی کی درخواست پر رجسٹرار سپریم کورٹ کے اعتراضات کے خلاف چیمبر اپیل دائر کردی۔
عمران خان کے سابق پرسنل سیکرٹری عون چوہدری نے اپنی درخواست میں استدعا کی ہےکہ رجسٹرار آفس کا 10 جولائی کو درخواست واپس کرنےکا حکم کالعدم قرار دیا جائے، درخواست کو نمبر الاٹ کرکے سماعت کے لیے مقرر کیا جائے۔
عون چوہدری کا موقف ہےکہ رجسٹرار کی جانب سے درخواست پر لگائے اعتراضات غیر ضروری ہیں، جسٹس فائز عیسیٰ ریفرنس کیس میں سپریم کورٹ اصول طے کرچکی ہے کہ پبلک آفس ہولڈر جوابدہ ہے۔
عون چوہدری نے اپیل میں موقف اختیار کیا کہ تحریک انصاف پر پابندی کی درخواست قابل سماعت ہے، چیئرمین پی ٹی آئی نے 9 مئی کے واقعات کے تناظر میں نفرت انگیز تقاریرکیں۔
خیال رہے کہ استحکام پاکستان پارٹی کے ایڈیشنل سیکرٹری جنرل عون چوہدری نے اپنی درخواست میں سپریم کورٹ سے پی ٹی آئی پرپابندی لگانے کی استدعا کی تھی تاہم رجسٹرار آفس نے عون چوہدری کی درخواست اعتراضات لگا کر واپس کردی تھی۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
3 گھنٹے پہلے
کیا پیراتھائرائیڈکا علاج پاکستان میں ممکن ہے؟
5 گھنٹے پہلے
