20 جولائی ، 2023 
پاکستان
دریائے سندھ میں پانی کی سطح بلند ہونے پر پانی لیبچر پل کو چھونے لگا جب کہ پانی کی سطح بڑھنے کی صورت میں پل کو نقصان پہنچ سکتا ہے/ فائل فوٹو
دیامر میں گلیشیئر پگھلنے اور پہاڑی ملبے کے باعث دریائے سندھ کا پانی رک گیا
20 جولائی ، 2023
دیامر میں گلیشیئر پگھلنے اور پہاڑی ملبہ گرنے کے باعث دریائے سندھ کا پانی رک گیا۔
دریائے سندھ کا پانی رکنے سے ملحقہ آبادی کو نقصان پہنچنے کا خدشہ ہے، دریائے سندھ میں پانی کی سطح بلند ہونے پر پانی لیبچر پل کو چھونے لگا جب کہ پانی کی سطح بڑھنے کی صورت میں پل کو نقصان پہنچ سکتا ہے۔
اس کے علاوہ دیامر میں گلیشیئر پگھلنے سے رائیکوٹ مٹھاٹھ نالے میں طغیانی آگئی ہے اور نالے کا پانی رائیکوٹ پاور ہاؤس کے واٹر چینل میں داخل ہوگیا ہے۔
نالے کا پانی رائیکوٹ پاور ہاؤس کے واٹر چینل میں داخل ہونے سے گونرفارم،گوہرآباد اور گردونواح میں بجلی کی فراہمی معطل ہوگئی جب کہ نالے کے پانی سے ایک مکان اور قریبی فصلوں کو نقصان پہنچا ہے۔
