پی ٹی آئی رہنما افتخار درانی اسلام آباد سے گرفتار

پاکستان تحریک انصاف( پی ٹی آئی) کے  رہنما افتخار درانی کو گرفتار کرلیا گیا۔

ذرائع کے مطابق افتخار درانی کو اسلام آباد میں ان کی رہائش گاہ سے گرفتار کیا گیا ہے۔

ذرائع کا کہنا ہے کہ پی ٹی آئی رہنما کی گرفتاری کی وجہ اب تک سامنے نہیں آسکی۔

دوسری جانب  پاکستان تحریک انصاف کے ترجمان کا کہنا ہے کہ  مرکزی رہنما ڈاکٹر افتخار درانی لاپتا ہیں، انہیں اسلام آباد سے اغوا کیا گیا ہے۔

وزیراعظم نے معاون خصوصی برائے میڈیا افتخار درانی کو کابینہ سے نکال دیا

افتخار درانی سے وزیراعظم آفس میں موجود دفتر بھی واپس لے لیا گیا: ذرائع

ترجمان پی ٹی آئی کے مطابق افتخار درانی کے اغوا سے متعلق تفصیلات جمع کی جارہی ہیں۔

واضح رہےکہ افتخار درانی تحریک انصاف کے دور حکومت میں وزیراعظم کے  معاون خصوصی برائے میڈیا تھے تاہم عمران خان نے انہیں 3 فروری کو کابینہ سے نکال دیا تھا جس کے بعد وہ منظر عام سے غائب تھے۔