06 اگست ، 2023 
ایشین چیمپئنز ٹرافی ہاکی ٹورنامنٹ میں پاکستان اور جاپان کا میچ برابر ہوگیا
06 اگست ، 2023
ایشین چیمپئنز ٹرافی ہاکی ٹورنامنٹ میں پاکستان اور جاپان کے درمیان میچ تین تین گول سے برابر ہوگیا۔
چنئی میں جاری ایونٹ کے تیسرے میچ میں پاکستان نے جاپان کے خلاف اچھا آغاز کیا۔ نویں منٹ میں رانا وحید نے پاکستان کو برتری دلا دی لیکن پہلے ہی کوارٹر میں جاپان نے گول برابر کر دیا۔
دوسرے کوارٹر میں پھر پاکستان نے برتری حاصل کی، پنالٹی کارنر پر گول محمد سفیان خان نے بنایا، اس کے بعد جاپان نے لگاتار دو گول بنائے اور میچ میں پہلی بار سبقت حاصل کی۔
میچ کے 55 ویں منٹ میں پاکستان کو پنالٹی کارنر ملا اور محمد سفیان خان نے گول بنا کر میچ تین تین سے برابر کر دیا۔
تین میچز میں قومی ٹیم اب تک ایک بھی میچ نہ جیت سکی، اس کے پوائنٹس کی تعداد صرف 2 ہے۔
ایونٹ میں پاکستانی ٹیم اپنا اگلا میچ کل چین سے کھیلے گی۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
