07 اگست ، 2023 
پاکستان
کراچی کے علاقے لیاقت آباد میں گزشتہ روز خاتون پر تیزاب گردی کا واقعہ پیش آیا تھا۔ فوٹو فائل
کراچی میں برقع پوش کی جانب سے خاتون پر تیزاب پھینکنے کے واقعے کا ڈراپ سین
07 اگست ، 2023
کراچی کے علاقے لیاقت آباد میں برقع پوش کی جانب سے خاتون پر تیزاب پھینکنے کے واقعے کا ڈراپ سین ہو گیا۔
پولیس حکام کا کہنا ہے کہ لیاقت آباد میں خاتون پر تیزاب پھینکنے والا ملزم اس کا شوہر ہے، خاتون پر تیزاب پھینکنے کے الزام میں شوہر کو گرفتار کر لیا گیا ہے۔
پولیس حکام کے مطابق واقعہ ابتدائی طور پر غیرت کے نام پر حملے کا شاخسانہ لگتا ہے، جائے وقوعہ اور اطراف کے سی سی ٹی وی کیمروں کی ویڈیوز حاصل کر لی گئی ہیں۔
پولیس کا بتانا ہے کہ واقعےکو مکان مالک اور کرائے دار کے جھگڑے کا رنگ دینے کی کوشش کی گئی، واقعے کا مقدمہ متاثرہ خاتون کی مدعیت میں درج کیا گیا ہے۔
