نجیبہ کے ساتھ وائرل ویڈیوز پر مداحوں کو تجسس، فیروز خان کا ردعمل آگیا

پاکستانی اداکار فیروز خان نے اداکارہ نجیبہ فیض کی ٹوئٹ کو ری ٹوئٹ کرتے ہوئے انہیں اپنی دوست قرار دیا ہے۔

فیروز خان اور اداکارہ نجیبہ فیض کے معاملے کا سلسلہ سوشل میڈیا پر وائرل ایک اسکرین شاٹ سے شروع ہوا جس میں ایک مداح نے اداکار سے کہا 'آپ کو نہیں لگتا کہ اب آگے بڑھ جانا چاہیے اور ایک نئی انسان کے ساتھ زندگی کی شروعات کرنی چاہیے؟‘

مداح کے سوال پر فیروز خان نے جواب دیا تھا کہ ' 'سفر بہت پہلے شروع ہوا تھا، مجھے وہ شخص آخر کار مل گیا ہے، دیکھتے ہیں میں آگے کیا کرتا ہوں'۔

بعد ازاں اداکار نے جنگ ویب کو تصدیق کی تھی کہ وہ حقیقتاً دوسری شادی کے لیے لڑکی کی تلاش میں ہیں اور وہ ایک دو نہیں بلکہ اس سے زائد شادیوں کے حق میں ہیں۔

اس کے بعد فیروز اور نجیبہ کی سوشل میڈیا پر سیروتفریح کی ویڈیوز وائرل ہوئی تھیں جس میں دونوں کو کہیں ایک ہی بیگ پکڑے گھومتے پھرتے دیکھا گیا تو کہیں نجیبہ فیروز کیلئے لفٹ کا دروازہ پکڑے دیکھی گئیں۔

فیروز خان نے دوسری شادی کیلئے لڑکی کی تلاش شروع کردی

جیو انٹرٹینمنٹ کے سپر ہٹ ڈرامہ سیریل ’خدا اور محبت 3‘ اور ’خانی‘ کے اداکار نے سوشل میڈیا پر اپنے ایک مداح کو شادی سے متعلق پوچھے گئے سوال پر جواب دیا۔

ان وائرل ویڈیوز اور تصاویر کو سوشل میڈیا صارفین نے فیروز کے تبصرے سے ملاکر نجیبہ کو ان کی نئی محبت تو کہیں ان کی زندگی کا آنے والا ساتھی قرار دیا تھا۔

تاہم اب اس معاملے کو سنجیدہ لیتے ہوئے فیروز خان نے اپنے اور نجیبہ فیص کے رشتے کو دوستی کا نام دیا ہے۔

حال ہی میں نجیبہ فیض نےاپنی اور فیروز کی تصویر ٹوئٹر پر شیئر کرتے ہوئے ٹوئٹ کی کہ  ’صرف وہ لوگ جو بہت دور جانے کا خطرہ مول لے سکتے ہوں ممکنہ طور پر جان سکتے ہیں کہ وہ کتنی دور جاسکتے ہیں‘۔

اس ٹوئٹ کو ری ٹوئٹ کرتے ہوئے فیروز نے دوست  لکھا تاہم اب بھی فیروز کے مداح یہ ماننے کو تیار نہیں کہ اداکار اور میزبان واداکارہ نجیبہ کے درمیان رشتہ صرف دوستی کا ہے۔

 فیروز خان کی پہلی شادی اور علیحدگی

واضح رہے کہ فیروز خان کی شادی 2018 میں علیزا سلطان سے ہوئی تھی ، اداکار کے ہاں پہلے بچے کی پیدائش 2019 جب کہ بیٹی کی پیدائش 2022 میں ہوئی تھی۔

بعدازاں 2022 میں ہی فیروز اور علیزا کے درمیان طلاق ہوگئی، علیزا نے الزام عائد کیا کہ فیروز خان انہیں تشدد کا نشانہ بناتے ہیں، دونوں کی جانب سے ایک دوسرے پر کیس فائل کیےگئے جن کی سماعت عدالت میں چل رہی ہے۔

یاد رہے کہ 2020 میں یہ خبریں سامنے آئی تھیں کہ انہوں نے مذہب کی خاطر شوبز انڈسٹری سے کنارہ کشی اختیار کرلی ہے، بعدازاں انہیں کئی پروجیکٹس میں کام کرتے دیکھا گیا۔