16 اگست ، 2023 
پاکستان
ایکوکارڈیو گرافی ٹیسٹ ٹھیک آنے پر ڈاکٹر یاسمین راشد کو واپس جیل بھجوا دیا گیا/ فائل فوٹو
جناح ہاؤس حملے میں نامزد ڈاکٹر یاسمین راشد کی طبیعت ناساز، اسپتال داخل
16 اگست ، 2023
لاہور : جناح ہاؤس حملے میں نامزد سابق صوبائی وزیر ڈاکٹر یاسمین راشد کی طبیعت ناساز ہوگئی۔
ڈاکٹر یاسمین راشد نے جیل حکام کو دل کی تکلیف کی شکایت کی تھی جس کے بعد انہیں پنجاب انسٹی ٹیوٹ آف کارڈیالوجی شفٹ کیا گیا۔
پنجاب انسٹی ٹیوٹ آف کارڈیالوجی کے ڈاکٹروں نے ڈاکٹر یاسمین راشد کا مکمل معائنہ کیا اور پی آئی سی میں ڈاکٹر یاسمین راشد کا ایکوکارڈیو گرافی ٹیسٹ بھی کیا گیا۔
ڈاکٹر یاسمین راشد کو 2گھنٹے تک پنجاب انسٹی ٹیوٹ آف کارڈیالوجی میں رکھا گیا اور ایکوکارڈیو گرافی ٹیسٹ ٹھیک آنے پر ڈاکٹر یاسمین راشد کو واپس جیل بھجوا دیا گیا۔
