19 اگست ، 2023 
پاکستان چھ سال بعد ایشین جونیئر انڈر 13 ٹائٹل جیتنے کو تیار، دونوں پاکستانی کھلاڑی فائنل میں
19 اگست ، 2023
پاکستان چھ سال بعد ایشین جونیئر انڈر۔13 کیٹگری کا ٹائٹل جیتنے کو تیار ہے کیونکہ ٹورنامنٹ کے فائنل میں دونوں پاکستانی کھلاڑی ہوں گے۔
پاکستان کے نعمان خان اور احمد خلیل ایشین جونیئر اسکواش چیمپئن شپ کے فائنل میں پہنچے ہیں، چھ سال بعد پاکستان ایشین جونیئر انڈر۔13 کیٹگری کا ٹائٹل اپنے نام کرے گا ، جبکہ انڈر۔17 کیٹگری کے سیمی فائنل میں عبداللہ نواز کو شکست کا سامنا کرنا پڑا۔
چین کے شہر دالینا میں جاری ایشین جونیئر اسکواش چیمپئن شپ کے انڈر۔13 کیٹگری کے دونوں سیمی فائنلز میں پاکستانی کھلاڑیوں کو کامیابی ملی ، پہلے سیمی فائنل میں پاکستان کے نعمان خان نے اسٹریٹ گیمز سے کامیابی حاصل کی۔
انہوں نے سیمی فائنل میں ہانگ کانگ کے ین لونگ کو گیارہ دو، گیارہ پانچ اور گیارہ چھ سے ہراکر فائنل کے لیے کوالیفائی کیا جہاں ان کا مقابلہ ہم وطن احمد خلیل سے ہوگا۔
احمد خلیل نے دوسرے سیمی فائنل میں ملائیشین کھلاڑی کو گیارہ دو،گیارہ چار ا ور گیارہ نو سے شکست دی، احمد خلیل اور نعمان خان کے درمیان فائنل کل کھیلا جائے گا۔
خیال رہے کہ اس قبل 2016 میں ملائشیا میں ہونے والی چیمپئن شپ میں پاکستان کے اسد اللہ نے گولڈ میڈل جیتا تھا ، جب کہ انڈر۔17 کیٹگری کے سیمی فائنل میں پاکستان کے عبداللہ نواز کو شکست کا سامنا کرنا پڑا۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
