21 اگست ، 2023 
آئی جی سندھ رفعت مختار کے تعارفی اجلاس سے 6 سینئر افسران غائب
21 اگست ، 2023
کراچی: آئی جی سندھ رفعت مختار کے تعارفی اجلاس میں 6 سینئر افسران شریک نہیں ہوئے۔
آئی جی سند رفعت مختار کو پولیس ہیڈ آفس پہنچنے پر گارڈ آف آنر پیش کیا گیا جس کے بعد آئی جی سندھ کی زیرصدارت تعارفی اجلاس ہوا جس میں ایڈیشنل آئی جی عمران یعقوب منہاس، مظفر شیخ اور فرحت جونیجو شریک نہیں ہوئے۔
اس کے علاوہ کراچی پولیس چیف جاوید عالم اوڈھو، منیر شیخ اور قادر قیوم بھی اجلاس میں شریک نہیں ہوئے۔
نئے آئی جی سندھ رفعت مختار سندھ میں گریڈ 21 کے تمام 6 افسران سے جونیئر ہیں، گریڈ 21 کے افسر رفعت مختار کا تعلق پولیس سروس کے 24 ویں کامن سے ہے۔
سندھ پولیس میں صرف ایک افسر خادم حسین رند بلوچ نئے آئی جی رفعت مختار کے گروپ سے ہیں جب کہ خادم حسین رند بھی رفعت مختار سے ایک نمبر اوپر ہیں۔
19 ویں کامن کے اعلیٰ ترین افسر عمران یعقوب منہاس اور مظفر شیخ ایڈیشنل آئی جی ہیں، ایڈیشنل آئی جی فرحت جونیجو 21 ویں کامن جبک ہ ایڈیشنل آئی جی کراچی جاوید عالم اوڈھو 22 ویں کامن سے ہیں۔
ایڈیشنل آئی جی منیر شیخ اور طارق قریشی 23 ویں کامن سے ہیں جب کہ ایڈیشنل آئی جی قادر قیوم بھی رفعت مختار سے سینئر پولیس افسر ہیں۔
