23 اگست ، 2023 
پاکستان
میرےتمام مقدمات اسلام آبادہائیکورٹ سے لاہوریا پشاور ہائیکورٹ منتقل کیےجائیں: درخواست میں مؤقف/ فائل فوٹو
عمران خان نے چیف جسٹس اسلام آباد ہائیکورٹ کیخلاف سپریم کورٹ سے رجوع کرلیا
23 اگست ، 2023
اسلام آباد: چیئرمین پی ٹی آئی عمران خان نے چیف جسٹس اسلام آباد ہائیکورٹ کے خلاف سپریم کورٹ سے رجوع کرلیا۔
چیئرمین پی ٹی آئی عمران خان کے وکیل لطیف کھوسہ نے سپریم کورٹ میں درخواست دائر کی جو آئین کے آرٹیکل 186۔اے کے تحت دائر کی گئی ہے۔
درخواست میں مؤقف اختیار کیا گیا ہے کہ میرےتمام مقدمات اسلام آبادہائیکورٹ سے لاہوریا پشاور ہائیکورٹ منتقل کیےجائیں۔
درخواست میں استدعا کی گئی ہےکہ اسلام آبادہائیکورٹ کو میرے تمام مقدمات کی شنوائی سے روکاجائے، میرے خلاف تمام انکوائریاں اور ٹرائل بھی اسلام آباد ہائیکورٹ سے منتقل کیے جائیں۔
