28 اگست ، 2023 
پاکستان
سابق صوبائی وزیر، پی پی کے قریبی 60 سے زائد سرکاری افسران کے نام اسٹاپ لسٹ میں شامل
28 اگست ، 2023
پاکستان پیپلزپارٹی کے رہنما و سابق صوبائی وزیر مکیش چاؤلہ کا نام اسٹاپ لسٹ میں شامل کرلیا گیا۔
ذرائع کے مطابق پیپلز پارٹی کے قریبی 60 سے زائد سرکاری افسران کے نام بھی اسٹاپ لسٹ میں شامل کیے گئے ہیں۔
ذرائع کا کہنا ہے کہ پیپلز پارٹی سندھ کے رہنما مکیش چاؤلہ کے خلاف نیب تحقیقات کررہا ہے۔
ذرائع نے بتایاکہ پی پی کے قریبی سرکاری افسران کےخلاف بھی نیب کراچی میں انکوائریاں کھولےجانے کا امکان ہے۔
ذرائع کے مطابق مکیش چاؤلہ کا نام نیب کی سفارش پر عبوری اسٹاپ لسٹ پر ڈالا گیا اور یہ تمام نام اگست کے پہلے ہفتے سے لے کر اب تک مختلف مرحلوں میں شامل کیے گئے۔
دوسری جانب سندھ ہائیکورٹ نے قومی احتساب بیورو (نیب) کو سابق صوبائی وزیر مکیش کمار چاؤلہ کی گرفتاری سے روک دیا۔
