29 اگست ، 2023 
لیاری کے حالیہ جرائم میں سرگرمی کا الزام، سنگھار کا نام ریڈ بک میں شامل
29 اگست ، 2023
کراچی کے قدیم علاقے لیاری میں ایک بار پھر ابھرتی ہوئی مجرمانہ سرگرمیوں میں متحرک ہونے کے الزام میں بلوچستان لبریشن فرنٹ کے مبینہ رکن سنگھار کا نام ریڈ بک میں شامل کر لیا گیا ہے۔
سکیورٹی ذرائع کے مطابق لیاری کے معروف فٹبالر عبدالرشید ذکری کا بیٹا علی حسن عرف سنگھار قوم پرستی کی بے راہ روی کا شکار ہوا۔
علی حسن عرف سنگھار پر انتہا پسندانہ سرگرمیوں اور دہشت گردی میں انتہائی متحرک کردار ادا کرنے کا الزام ہے۔
سندھ پولیس کے کاؤنٹر ٹیرارزم ڈپارٹمنٹ کی ریڈ بک کے نئے ایڈیشن میں علی حسن عرف سنگھار کا نام، تصویر اور دیگر تفصیلات 113 صفحہ پر شائع کی گئی ہیں۔
سی ٹی ڈی کی جاری تفصیلات کے مطابق سنگھار افغانستان اور ایران سے کراچی میں دہشت گردی کی کارروائیوں کیلئے اپنا گروپ چلا رہا ہے۔ ریڈ بک میں وارداتوں یا مقدمات کی تفصیلات تو شامل نہیں کی گئیں لیکن بتایا گیا ہے کہ ملزم کراچی اور بلوچستان میں دہشت گردی کی متعدد کارروائیوں میں مطلوب ہے۔
سکیورٹی ذرائع کے مطابق ملزم ان دنوں ایران میں ہے تاہم لیاری میں اس کے گروہ کے لڑکے بھتہ اور دیگر جرائم میں ملوث پائے گئے ہیں۔
مزید خبریں :
کراچی میں جائیدادکیلئے باپ کو قتل کرنیوالا سفاک بیٹا گرفتار
26 دسمبر ، 2024
کھانا دیر سے دینے پر بھائی نے بہن کو قتل کر دیا
25 دسمبر ، 2024
بھکر میں خواتین کے ساتھ زیادتی کرنے والا جعلی پیر گرفتار
24 دسمبر ، 2024
میاں بیوی کے جھگڑے میں مداخلت پر ہمسایہ نوجوان قتل
24 دسمبر ، 2024
