04 ستمبر ، 2023 
پرویز الٰہی کو پیش کرنے کا حکم دینے والے جسٹس امجد رفیق کل سے ملتان بینچ میں کام کریں گے
04 ستمبر ، 2023
لاہور ہائیکورٹ میں سابق وزیراعلیٰ پنجاب پرویز الٰہی کی بازیابی کی درخواست پر سماعت کرنے والے جسٹس امجد رفیق کل سے ملتان بینچ میں کام کریں گے۔
جسٹس امجد رفیق نے پرویزالٰہی کو منگل کو ہائیکورٹ میں پیش کرنے کا حکم دے رکھا ہے۔
لیکن اب اگر پرویز الٰہی کو اٹک جیل سے پیش کیا گیا تو وہ خود وہاں نہیں ہوں گے۔ تازہ ترین روسٹر کے مطابق جسٹس امجد رفیق کی ذمہ داری اب لاہور ہائیکورٹ کے ملتان بینچ کے کیسز سننے کی لگا دی گئی ہے۔
جسٹس امجد رفیق 5 ستمبر سے 28 اکتوبر تک ملتان بینچ میں کیسزکی سماعت کریں گے۔
خیال رہے کہ جسٹس امجد رفیق نے ہی پرویز الٰہی کو کسی مقدمے میں گرفتار نہ کرنے کا حکم دیا تھا اور اس حکم کے باوجود پرویز الٰہی کو گرفتار کرنے پر انہوں نے آج آئی جی اسلام آباد کو توہین عدالت کا نوٹس بھی دیا تھا۔
