09 ستمبر ، 2023 
پاک افغان تجارت میں 11 سالہ سست روی کے بعد ایک بار پھر اضافہ
09 ستمبر ، 2023
دہائیوں سے پاکستان اور افغانستان کے مابین جاری تجارت میں 11 سالہ سست روی کے بعد گزشتہ برس جولائی سے ایک بار پھر اضافہ ہوگیا، رواں سال جون تک دو طرفہ تجارت کا حجم 1 ارب 80 کروڑ ڈالرز تک جا پہنچا۔
11 سال قبل دو طرفہ تجارت کا حجم 3 ارب ڈالرز تک پہنچ چکا تھا تاہم سال 2012 کے بعد اس میں کمی آنا شروع ہوئی اور سال 2014 تک تجارت کا حجم کم ہوکر 1 ارب 40 کروڑ ڈالر رہ گیا۔
سابق صدر سرحد چیمبر آف کامرس اینڈ انڈسٹری زاہد شینواری کا کہنا تھا کہ دونوں ممالک کے مابین دوطرفہ تجارت رواں سال جون تک 1 ارب 80 کروڑ ڈالر تک پہنچ چکی ہے تاہم کسٹم کلیئرنس کے مسائل سے ہزاروں مال بردار گاڑیاں کئی دنوں تک سرحد پار کرنے کیلئے کھڑی رہتی ہیں جس سے تاجروں کو اضافی کرایہ دینا پڑتا ہے اور ایکسپورٹ بھی متاثر ہوتی ہیں۔
ضیا الحق سرحدی کا کہنا تھا کہ گزشتہ سال پاکستان سے ڈھائی لاکھ ٹن چینی، سیمنٹ، ادویات، اشیائے خورد و نوش اور جانوروں کی خوراک سمیت 968 ملین ڈالر مالیت کی دیگر کئی اشیا افغانستان ایکسپورٹ ہوئیں۔
ان کا کہنا تھا کہ افغانستان سے پاکستان میں 893 ملین ڈالرز کی امپورٹ ہوئی جس میں کوئلہ، سبزیوں اور پھلوں سمیت دیگر اشیا شامل ہیں۔
تاجروں کا کہنا تھا کہ بجلی بلوں میں اضافے، پیٹرول کی بڑھتی قیمتوں اورملک میں ڈالرز کی کمی سے کاروباری طبقہ پریشان ہے۔
انہوں نے مطالبہ کیا ہے کہ ملکی زرمبادلہ کے ذخائر میں اضافے کیلئے وفاقی حکومت کاروبار میں آسانیاں پیدا کرنے کیلئے فوری اقدامات کرے۔
مزید خبریں :
روپے کی قدر میں اضافہ، ڈالر سستا ہوگیا
9 گھنٹے پہلے
سونے کی قیمت میں ایک بار پھر اضافہ ہوگیا
11 گھنٹے پہلے
ہاؤسنگ سیکٹرکی ترقی کیلئے 11 رکنی ٹاسک فورس تشکیل
18 دسمبر ، 2024
مارچ 2025 تک بجلی 12 روپے سستی کرنے کی تیاری
18 دسمبر ، 2024
اوگرا نے رواں مالی سال کیلئے گیس کی قیمت بڑھانے کی منظوری دے دی
17 دسمبر ، 2024
ملک میں سب سے زیادہ غریب شخص ٹیکس دیتا ہے: چیئرمین ایف بی آر
17 دسمبر ، 2024
انٹر بینک میں ڈالر مزید مہنگا ہوگیا
17 دسمبر ، 2024
