15 ستمبر ، 2023 
پاکستان
نجکاری کا فیصلہ ہوتے ہی بینکوں نے پی آئی اے کے لیے قرضہ منظور کر لیا— فوٹو:فائل
سول ایوی ایشن نے پی آئی اے کو ایک ارب روپے دے دیے، ملازمین کی تنخواہیں جاری
15 ستمبر ، 2023
پاکستان انٹرنیشنل ائیر لائنز (پی آئی اے) کے مالی بحران میں سول ایوی ایشن اتھارٹی (سی اے اے) مدد کیلئے سامنے آگئی۔
ذرائع کے مطابق سول ایوی ایشن اتھارٹی نے پی آئی اے کو ایک ارب روپے دے دیے۔ ذرائع کا کہنا ہے کہ سی اے اے سے موصول رقم پی آئی اے ملازمین کی تنخواہوں کیلئے ہے۔
ذرائع نے بتایاکہ پی آئی اے نے تمام ملازمین کو اگست کی تنخواہ جاری کردی ہیں۔
دوسری جانب نجکاری کا فیصلہ ہوتے ہی بینکوں نے پی آئی اے کے لیے قرضہ منظور کر لیا، ایک نجی بینک پی آئی اے کو آج 5 ارب روپے کا قلیل المدت قرضہ دے گا اور 7 سے 10 دن کے لیے دیے گئے اس قرض سے انتہائی ضروری ادائیگیاں کی جائیں گی۔
