سپریم کورٹ میں زیرالتوا مقدمات کا معاملہ، چیف جسٹس نے اہم اجلاس طلب کرلیا

چیف جسٹس آف پاکستان جسٹس قاضی فائز عیسیٰ نے سپریم کورٹ میں بینچز کی تشکیل اور زیرالتوا مقدمات کے معاملے پر کل 3 بجے اہم اجلاس طلب کرلیا۔

ذرائع نے بتایاکہ چیف جسٹس نے اجلاس میں پاکستان بار کونسل اورسپریم کورٹ بار ایسوسی ایشن کو بھی شرکت کی دعوت دی ہے۔

ذرائع کے مطابق فراہمی انصاف بہتر کرنے کے معاملے پر وکلا تنظیموں کی تجاویزلی جائیں گی اور اجلاس میں وکلا تنظیمیں بینچز کی تشکیل اورمقدمات سماعت کیلئے مقرر کرنے پر تجاویز دیں گی۔

ذرائع کا کہنا ہے کہ وکلا فوری نوعیت کے مقدمات کو جلد سماعت کیلئے مقرر کرنے پرتجاویز دیں گے۔

پاکستان میں نئی تاریخ رقم، پہلی بار سپریم کورٹ کی کارروائی ٹی وی پر براہ راست دکھائی گئی

پریکٹس اینڈ پروسیجر ایکٹ کو 15 رکنی فل کورٹ نے آج جزوی سنا۔ عدالت نے بینچز بنانے کا حکم امتناع ختم کردیا البتہ اس کیس کی سماعت جاری رہے گی

خیال رہے کہ جسٹس قاضی  فائز عیسیٰ نے 17 ستمبر کو بطور چیف جسٹس عہدے کا حلف اٹھایا اور پھر پہلے روز ہی پریکٹس اینڈ پروسیجر ایکٹ پر فل کورٹ سماعت کی جو ٹی وی پر براہ راست دکھائی گئی۔