21 ستمبر ، 2023 
کراچی میں ڈاکوؤں کا نیا طریقہ، فوڈ رائیڈرز کے بھیس میں وارداتیں کرنے لگے
21 ستمبر ، 2023
کراچی میں ڈکیتی و رہزنی کی وارداتوں میں ملوث ملزمان نے پولیس کی پکڑ سے بچنے کے لیے نئے طریقے اختیار کرلیے۔
پولیس ذرائع کے مطابق مختلف وارداتوں کی تفتیش کے دوران یہ سامنے آیا ہے کہ وارداتیں کرکے فرار ہونے والے بیشتر ملزمان فوڈ رائیڈرز کے بیگ اٹھائے ہوتے ہیں، فوڈ رائیڈرز کو چونکہ عام طور پر چیکنگ کے دوران پولیس نہیں روکتی اس لیے وارداتوں کے بعد وہ باآسانی فرار ہو جاتے ہیں۔
پولیس کے مطابق مختلف علاقوں میں فوڈ پانڈا کے بھیس میں موٹر سائیکل سوار ملزمان گلیوں میں وارداتیں کرتے ہیں، ملزمان کسی بھی گلی میں کھڑے ہو جائیں تو ان پر شک نہیں کیا جاتا اور اگر شک ہو جائے تو پھر بہانہ کرتے ہیں کہ وہ کسی فوڈ ڈیلیوری کے لیے آیا ہے اور اسی شخص سے ایڈریس پوچھتے ہیں۔
پولیس کے مطابق گلشن جمال میں سی سی ٹی وی فوٹیج میں یہ بھی دیکھا گیا کہ گھروں کے باہر کھڑی گاڑیوں کے شیشے توڑ کر سامان چوری کرنے میں بھی فوڈ پانڈا رائیڈرز کے بھیس میں ملزمان ملوث پائے گئے اور اسی بھیس میں ملزمان مختلف گاڑیوں کی بیٹریاں بھی چوری کرلیتے ہیں۔
اس کے علاوہ کئی ملزمان واردات کے دوران خواتین کو ساتھ رکھتے ہیں اسی وجہ سے انہیں فیملی سمجھ کر روکا نہیں جاتا۔
ملیر میں ایسے وارداتیوں کو بھی دیکھا گیا ہے جو اسکول کے بیگ لٹکائے بچوں کو ساتھ رکھتے ہیں۔
پولیس کے مطابق بیشتر ملزمان وارداتوں کے دوران سی سی ٹی وی فوٹیجز سے بچنے کے لیے ہیلمٹ ہر صورت پہنتے ہیں اور ماسک بھی لگا لیتے ہیں۔
مزید خبریں :
کھانا دیر سے دینے پر بھائی نے بہن کو قتل کر دیا
10 گھنٹے پہلے
بھکر میں خواتین کے ساتھ زیادتی کرنے والا جعلی پیر گرفتار
24 دسمبر ، 2024
میاں بیوی کے جھگڑے میں مداخلت پر ہمسایہ نوجوان قتل
24 دسمبر ، 2024
فیصل آباد میں ڈاکوؤں نے ایک اور ڈلیوری بوائے سے پیزا چھین لیا
23 دسمبر ، 2024
لاہور:گھریلو ملازمہ 20 لاکھ روپے اور 20 تولے سونا لے کر فرار
23 دسمبر ، 2024
