روزانہ صرف 15 منٹ چہل قدمی کرنے کے یہ فائدے جانتے ہیں؟

یہ بات تو پہلے ہی ثابت ہوچکی ہے کہ زیادہ وقت بیٹھ کر گزارنا متعدد امراض جیسے ذیابیطس، امراض قلب اور موٹاپے کا باعث بن سکتا ہے۔

مگر اچھی بات یہ ہے کہ روزانہ کے معمولات میں محض ایک عام کام کو عادت بنا کر آپ اس خطرے کو نمایاں حد تک کم کرسکتے ہیں۔

ہم میں سے بیشتر افراد کی نظر میں چہل قدمی کی کوئی اہمیت نہیں کیونکہ یہ وہ کام ہے جو ہم روز ہی کرتے ہیں، مگر یہ عادت ورزش کا ایک بہترین ذریعہ ہے۔

درحقیقت دن بھر میں محض 15 منٹ تک چہل قدمی کرنے کے فوائد بھی آپ کو دنگ کر دیں گے۔

کیا گڑ صحت کے لیے چینی سے زیادہ بہتر ہوتا ہے؟

گڑ شکر کی ایسی قسم ہے جسے ریفائن نہیں کیا جاتا ہے، یعنی اس میں غذائی اجزا موجود ہوتے ہیں جبکہ چینی میں صحت کے لیے مفید اجزا نہیں ہوتے۔

زندگی میں خوشی کا احساس بڑھتا ہے

امریکن جرنل آف Preventive Medicine میں شائع ایک تحقیق میں بتایا گیا کہ چہل قدمی سے مزاج پر خوشگوار اثرات مرتب ہوتے ہیں۔

تحقیق میں بتایا گیا کہ روزانہ چہل قدمی کرنے والے افراد بہتر جذباتی صحت اور خوشگوار سماجی زندگی کو رپورٹ کرتے ہیں، جس سے زندگی میں خوشی کا احساس بڑھتا ہے۔

تخلیقی صلاحیت بہتر ہوتی ہے

کسی مسئلے کا حل ڈھونڈنا چاہتے ہیں؟ تو کچھ دیر تک گھر سے باہر نکل کر چہل قدمی کریں۔

وہ غذائیں جو جسمانی توانائی بڑھانے کے لیے بہترین ہوتی ہیں

مخصوص غذاؤں سے جسمانی توانائی کی سطح طویل وقت تک مستحکم رہتی ہے۔

چہل قدمی ایک ایسی ورزش ہے جو تخلیقی صلاحیت کو بہتر بناتی ہے۔

اسٹینفورڈ یونیورسٹی کی ایک تحقیق میں دریافت کیا گیا کہ چہل قدمی سے تخلیقی سوچ میں 60 فیصد تک اضافہ ہوتا ہے۔

میٹابولزم بہتر ہوتا ہے

میٹابولک سینڈروم ہائی بلڈ پریشر، کولیسٹرول، ہائی بلڈ شوگر اور خون میں چکنائی بڑھنے جیسے امراض کے مجموعے کو کہا جاتا ہے، جس سے امراض قلب، ذیابیطس اور موت کا خطرہ بڑھتا ہے۔

دماغ کو ہر عمر میں جوان رکھنے کے لیے بہترین غذائیں

دماغی افعال کو درست رکھنا چاہتے ہیں اور یادداشت کو مستحکم رکھنا چاہتے ہیں تو چند غذائیں دیگر کے مقابلے میں زیادہ بہتر ثابت ہوتی ہیں۔

مگر ایک تحقیق میں دریافت کیا گیا کہ روزانہ چہل قدمی سے میٹابولک سینڈروم سے متاثر ہونے کا خطرہ 29 فیصد تک گھٹ جاتا ہے۔

اچھی نیند

ہر رات 7 سے 8 گھنٹے کی نیند اچھی صحت کے لیے بہت ضروری ہوتی ہے مگر ایسا بیشتر افراد کے لیے مشکل ہوتا ہے۔

مگر ایک تحقیق کے مطابق روزانہ ورزش کرنے جیسے تیز رفتاری سے چہل قدمی کرنے کے عادی افراد بستر پر لیٹتے ہی سو جاتے ہیں اور ان کی نیند کا دورانیہ اور معیار بھی دیگر کے مقابلے میں بہتر ہوتا ہے۔

موسمی نزلہ زکام سے بچنے کا سب سے آسان اور بہترین طریقہ جانتے ہیں؟

کیا آپ کو معلوم ہے کہ نزلہ زکام یا کھانسی سے بچنا بہت آسان ہے اور بس ایک چیز کو یاد رکھنا ضروری ہے۔

تناؤ میں کمی

تناؤ کا سامنا ہر فرد کو ہوتا ہے اور اس کے نتیجے میں ذہنی اور جسمانی صحت پر منفی اثرات مرتب ہوتے ہیں۔

طبی ماہرین کے مطابق 10 سے 15 منٹ کی چہل قدمی سے انزائٹی اور ڈپریشن کی علامات کو کم کرنے میں مدد مل سکتی ہے جبکہ تناؤ بڑھانے والے ہارمون کورٹیسول کی سطح میں کمی آتی ہے۔

دماغ کے لیے مفید

چہل قدمی دماغ کے لیے بھی مفید ہوتی ہے۔

سانس کی بو کا شکار بنانے والی عام وجوہات

ایک تخمینے کے مطابق 50 فیصد بالغ افراد کو زندگی میں کبھی نہ کبھی اس مسئلے کا سامنا ہوتا ہے۔

ایک تحقیق میں دریافت کیا گیا کہ چہل قدمی کے دوران جب ہمارے قدم زمین سے ٹکراتے ہیں تو دماغ کی جانب خون کا بہاؤ بڑھ جاتا ہے، جس سے الزائمر اور ڈیمینشیا جیسے امراض سے تحفظ ملتا ہے۔

کمر کی تکلیف میں کمی

کمر کی دائمی تکلیف کا سامنا دنیا بھر میں کروڑوں افراد کو ہوتا ہے مگر ایک تحقیق میں دریافت کیا گیا کہ چہل قدمی کو عادت بنانے سے کمر کی دائمی تکلیف کی شدت میں کمی آتی ہے۔

چہل قدمی سے دائمی تکلیف سے نجات تو ممکن نہیں مگر اس سے لڑنا ضرور آسان ہو جاتا ہے۔

کینسر سے خود کو محفوظ رکھنا چاہتے ہیں؟ تو یہ غذائیں مددگار ثابت ہو سکتی ہیں

تحقیقی رپورٹس کے مطابق کینسر کے بیشتر کیسز کی وجہ ایسے عناصر ہوتے ہیں جن کی روک تھام ممکن ہے۔

ہڈیاں مضبوط ہوتی ہیں

ہڈیوں کی کثافت میں اضافہ چہل قدمی کے چند بہترین فوائد میں سے ایک ہے۔

ہڈیوں کے امراض سے معذوری اور دیگر مسائل کا خطرہ بڑھتا ہے۔

امریکن بون ہیلتھ ایسوسی ایشن کے مطابق چہل قدمی کو عادت بنانے سے ہڈیوں کی کثافت پر مثبت اثرات مرتب ہوتے ہیں۔

گٹھیا جیسے تکلیف دہ مرض کی شدت بڑھانے والی عام عادات

گٹھیا کا مرض جسم کے تمام جوڑوں پر اثر انداز ہو سکتا ہے مگر لوگوں کی عام عادات بھی اس مسئلے کی شدت بڑھانے میں کردار ادا کر سکتی ہیں۔

بینائی کو بھی تحفظ ملتا ہے

جرنل نیورو سائنس میں شائع ایک تحقیق میں بتایا گیا کہ چہل قدمی کرنے کی عادت سے عمر بڑھنے کے ساتھ بینائی میں آنے والی تنزلی کا خطرہ کم ہوتا ہے۔

تحقیق کے مطابق ایروبک ورزشیں جیسے چہل قدمی بینائی کو ٹھیک رکھنے میں مفید ثابت ہوتی ہیں۔

کرشماتی دوا

ورزش خاص طور پر چہل قدمی کو کرشماتی دوا بھی قرار دیا جاتا ہے کیونکہ اس سے دائمی امراض جیسے ذیابیطس ٹائپ 2، فالج، کینسر کی مخصوص اقسام اور امراض قلب سے متاثر ہونے کا خطرہ کم ہوتا ہے۔

وہ عام غذا جس کا استعمال موٹاپے سمیت 14 امراض کا شکار بنا سکتا ہے

ایسے شواہد کی کمی نہیں جن سے فاسٹ فوڈ سے جسم پر مرتب ہونے والے منفی اثرات ثابت ہوتے ہیں۔

پیسوں کی بچت

جم ممبر شپ یا گھر پر ورزش کرنے کے لیے آلات خریدنے پر کافی خرچہ کرنا پڑتا ہے مگر چہل قدمی کا کوئی نقصان بھی نہیں اور کسی قسم کا خرچہ بھی نہیں کرنا پڑتا۔

بغیر خرچے کے بھی یہ عادت صحت کے لیے مفید ثابت ہوتی ہے اور ایک تحقیق کے مطابق ورزش کرنے کی عادت بیماریوں کے علاج پر ہونے والے خرچے سے بچاتی ہے۔

لمبی زندگی

لمبی زندگی کے خواہشمند ہیں؟ تو چہل قدمی کو عادت بنالیں۔

ایک تحقیق میں دریافت کیا گیا کہ تیز رفتاری سے چہل قدمی کرنے سے زندگی کی مدت میں اضافہ ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔