سانس کی بو کا شکار بنانے والی عام وجوہات

لگ بھگ ہر فرد کو زندگی میں کبھی نہ کبھی سانس کی بو کے مسئلے کا سامنا ہوتا ہے۔

طبی زبان میں اس مسئلے کے لیے halitosis کی اصطلاح استعمال کی جاتی ہے اور اس کی متعدد وجوہات ہو سکتی ہیں بلکہ کئی بار مختلف امراض بھی اس کے پیچھے چھپے ہوتے ہیں۔

عموماً سانس کی بو ایک عارضہ مسئلہ ہوتا ہے مگر کچھ کیسز میں یہ دائمی بھی ثابت ہوتا ہے۔

ایک تخمینے کے مطابق 50 فیصد بالغ افراد کو زندگی میں کبھی نہ کبھی اس مسئلے کا سامنا ہوتا ہے۔

کینسر سے خود کو محفوظ رکھنا چاہتے ہیں؟ تو یہ غذائیں مددگار ثابت ہو سکتی ہیں

تحقیقی رپورٹس کے مطابق کینسر کے بیشتر کیسز کی وجہ ایسے عناصر ہوتے ہیں جن کی روک تھام ممکن ہے۔

اس کی چند وجوہات درج ذیل ہیں۔

دانتوں کی ناقص صفائی

عام طور پر زبان، دانتوں اور مسورڑوں پر غذا کے ذرات کا اجتماع سانس کی بو سے متاثر ہونے کی ایک بڑی وجہ ہے۔

یہ ذرات جب سڑ جاتے ہیں تو ناخوشگوار بو سانس سے خارج ہونے لگتی ہے۔

حرکت قلب اچانک تھم جانے یا کارڈک اریسٹ کی علامات جانتے ہیں؟

موجودہ عہد میں اموات کی بڑی وجوہات میں کارڈک اریسٹ کا نام بھی شامل ہے۔

زبان کی صفائی نہ کرنا

مخصوص بیکٹریا زبان پر موجود ہوتے ہیں جو خوراک کے ذرات کے ساتھ مل کر سانس میں بو کا باعث بنتے ہیں۔

یہی وجہ ہے کہ دانتوں کی صفائی کے ساتھ ساتھ زبان کی صفائی کو معمول بنانا بھی ضروری ہے۔

خوراک

مخصوص غذائیں جیسے لہسن، پیاز یا دیگر تیز مہک والی غذاؤں کے استعمال سے بھی اس مسئلے کا سامنا ہوتا ہے۔

گٹھیا جیسے تکلیف دہ مرض کی شدت بڑھانے والی عام عادات

گٹھیا کا مرض جسم کے تمام جوڑوں پر اثر انداز ہو سکتا ہے مگر لوگوں کی عام عادات بھی اس مسئلے کی شدت بڑھانے میں کردار ادا کر سکتی ہیں۔

ہمارا معدہ غذاؤں میں موجود تیل کو جذب کرتا ہے جو خون میں شامل ہوکر پھیپھڑوں تک پہنچتا ہے۔

وہی تیل سانس کی بو کا باعث بھی بنتا ہے۔

تمباکو نوشی

تمباکو نوشی کی عادت بھی سانس کی بو کا باعث بنتی ہے۔

وہ عام غذا جس کا استعمال موٹاپے سمیت 14 امراض کا شکار بنا سکتا ہے

ایسے شواہد کی کمی نہیں جن سے فاسٹ فوڈ سے جسم پر مرتب ہونے والے منفی اثرات ثابت ہوتے ہیں۔

منہ خشک ہونا یا کم پانی پینا

جب ہمارا منہ خشک ہوتا ہے تو لعاب دہن کی مقدار بھی کم ہوجاتی ہے، جب لعاب دہن کی مقدار کم ہوتی ہے تو کھانے کے ذرات اور بیکٹریا منہ میں زیادہ وقت تک موجود رہتے ہیں۔

منہ کھلا رکھ سونا یا مخصوص ادویات سے منہ خشک ہو سکتا ہے جبکہ لعاب دہن کے غدود کے مسئلے سے بھی ایسا ہو سکتا ہے۔

اس کے ساتھ ساتھ کم پانی پینے سے بھی منہ خشک ہوتا ہے جس سے بھی سانس کی بو کا خطرہ بڑھتا ہے۔

سیڑھیاں چڑھتے ہوئے اکثر سانس پھول جانا کسی بیماری کا نتیجہ تو نہیں ہوتا؟

کسی عام کام جیسے سیڑھیاں چڑھتے ہوئے سانس پھول جائے تو پھر متعدد افراد پریشان ہو جاتے ہیں۔

دانتوں یا مسوڑوں کے امراض

دانتوں یا مسوڑوں کے امراض کا سامنا اس وقت ہوتا ہے جب آپ دانتوں پر جمنے والی گندگی کو درست طریقے سے صاف نہ کریں، اس کے نتیجے میں وقت گزرنے کے ساتھ مسوڑے متاثر ہوتے ہیں۔

یہ گندگی دانتوں اور مسوڑوں کے درمیان موجود رہتی ہے جس سے تیز بو سانس سے خارج ہونے لگتی ہے۔

نتھنوں، منہ یا حلق کے امراض

کئی بار نتھنوں کے انفیکشن، سانس کی نالی کے امراض، ٹانسل اسٹون اور دیگر سے بھی سانس کی بو کا سامنا ہوتا ہے۔

ایک سیب روزانہ کھانے کے یہ 10 اثرات جانتے ہیں؟

سیب ایک ایسا پھل ہے جو دنیا بھر میں بہت زیادہ کھایا جاتا ہے اور اس کی متعدد اقسام دستیاب ہیں۔

مختلف امراض

گردوں کے امراض، جگر کے امراض، ذیابیطس اور سینے میں تیزابیت کی ایک علامت سانس کی عجیب بو بھی ہوتی ہے۔

اچھی بات یہ ہے کہ ایسے گھریلو ٹوٹکوں کی کمی نہیں جن کی مدد سے سانس کی بو سے نجات ممکن ہے۔

پانی

تحقیقی رپورٹس میں ثابت ہوا کہ اکثر سانس کی بو منہ خشک ہونے کا نتیجہ ہوتی ہے۔

ذیابیطس سے متاثر ہونے کی 8 انتباہی نشانیاں

ذیابیطس کا سامنا ہر عمر کے افراد کو ہوسکتا ہے مگر حیران کن طور پر متعدد افراد کو مرض کی علامات کا ہی علم نہیں ہوتاْ

لعاب دہن ہمارے منہ کو صاف رکھنے میں اہم کردار ادا کرتا ہے اور اس کی کمی سے بیکٹریا کی تعداد بڑھتی ہے۔

ہمارا منہ نیند کے دوران قدرتی طور پر خشک ہو جاتا ہے اور اسی وجہ سے صبح کے وقت سانس کی بو کافی نمایاں ہوتی ہے۔

تو مناسب مقدار میں پانی پینے کی عادت سے لعاب دہن بننے کا عمل بہتر ہوتا ہے اور سانس کی بو پر قابو پانا آسان ہو جاتا ہے۔

دہی

دہی میں صحت کے لیے مفید ایسے بیکٹریا ہوتے ہیں جو نقصان دہ بیکٹریا کا مقابلہ کرتے ہیں۔

دماغ کے لیے تباہ کن غذائیں جو بیشتر افراد بہت شوق سے کھاتے ہیں

عمر کے ساتھ ساتھ ہماری غذائی عادات بھی دماغی تنزلی کا سفر تیز کر سکتی ہیں۔

تحقیق سے ثابت ہوا ہے کہ دہی کھانے سے سانس کی بو کے مسئلے پر قابو پانے میں مدد مل سکتی ہے۔

اس مقصد کے لیے دن میں ایک بار کچھ مقدار میں بغیر چینی کی دہی کا استعمال کریں۔

دودھ

دودھ کو بھی سانس کی بو سے نجات کا اچھا ذریعہ مانا جاتا ہے۔

خاص طور پر لہسن اور پیاز وغیرہ کھانے کے بعد دودھ کے ایک گلاس کو پینے سے سانس کی بو سے بچنے میں مدد مل سکتی ہے۔

جگر کے جان لیوا امراض کا شکار بنانے والی عام عادات

چند عام عادات اور طرز زندگی کے عناصر جگر کے امراض کا خطرہ بڑھاتے ہیں۔

سونف

سونف کھانے سے بھی سانس کو مہکانے میں مدد ملتی ہے۔

سونف میں ایسے تیل ہوتے ہیں جو سانس کو مہکانے کا کام کرتے ہیں۔

مالٹے

مالٹوں میں وٹامن سی موجود ہوتا ہے جو لعاب دہن بننے کا عمل تیز کرتا ہے جس سے سانس کی بو کا باعث بننے والے بیکٹریا کا خاتمہ ہوتا ہے۔

یعنی یہ پھل دانتوں کی صفائی کے لیے مددگار ثابت ہوتا ہے۔

کشمش کو روزانہ بھگو کر کھانے کے یہ اثرات جانتے ہیں؟

بیشتر افراد کشمش کو بھگو کر کھانا پسند کرتے ہیں مگر اس سے صحت کو فائدہ ہوتا ہے یا نہیں؟

سبز چائے

یہ گرم مشروب بھی سانس کی بو سے نجات کا ایک مؤثر ذریعہ ہے۔

سبز چائے میں موجود خصوصیات سے سانس کی بو کو عارضی طور پر دور کرنے میں مدد ملتی ہے۔

سیب

ایک تحقیق میں دریافت کیا گیا کہ سیب کھانے سے لہسن یا پیاز کھانے کے بعد سانس میں پیدا ہونے والی بو کی روک تھام میں مدد ملتی ہے۔

سیب میں موجود مخصوص قدرتی مرکبات اس حوالے سے مددگار ثابت ہوتے ہیں۔

اس خوبصورت اور مزیدار گری کھانے کے فائدے بھی بے شمار

سبز رنگ کی اس گری کا ذائقہ ہلکا میٹھا ہوتا ہے اور مانا جاتا ہے کہ ہزاروں سال سے انسان اسے کھا رہے ہیں۔

بیکنگ سوڈا

بیکنگ سوڈا منہ میں موجود بیکٹریا کا خاتمہ کرتا ہے۔

اس کو استعمال کرنے کے لیے 2 چائے کے چمچ بیکنگ سوڈا کو ایک کپ گرم پانی میں ملائیں اور اس محلول سے کلیاں کریں۔

لونگ

ایک یا 2 لونگ چبانے سے بھی سانس کی بو پر قابو پانے میں مدد مل سکتی ہے۔

اس کی جراثیم کش خصوصیات منہ میں موجود بیکٹریا کا مقابلہ کرتی ہیں۔

پیشاب کو دیر تک روکے رکھنا نقصان دہ تو نہیں ہوتا؟

اس سوال کا جواب سادہ نہیں بلکہ کافی پیچیدہ ہے۔

لیموں

لیموں کے ایک ٹکڑے کو چبانے سے بھی سانس کو مہکانا ممکن ہے۔

اس میں موجود ایسڈ سے لعاب دہن بننے کا عمل تیز ہوتا ہے اور سانس کی بو سے مقابلہ کرنا آسان ہو جاتا ہے۔

پودینے کو چبائیں

پودینے کے پتے چبانے سے بھی سانس کی بو سے نجات پانا آسان ہو جاتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔