پنجاب میں 24 گھنٹے میں آشوب چشم کے 15 ہزار 105 کیسز رپورٹ

پنجاب میں 24 گھنٹوں کے دوران آشوب چشم کے مزید 15ہزار105 کیسز رپورٹ ہوئے ہیں جبکہ رواں سال اب تک آشوب چشم کے 3 لاکھ 79ہزار 690 مریض رپورٹ ہوچکے۔

محکمہ پرائمری ہیلتھ کے مطابق 24 گھنٹوں کے دوران لاہور میں آشوب چشم کے 916، ملتان میں 1217، فیصل آباد میں1827، راولپنڈی میں 242 نئے مریض سامنے آئے۔

رواں سال آشوب چشم کےسب سے زیادہ مریض بہاولپور میں74ہزار314 مریض رپورٹ ہوئے، آشوب چشم کا مرض 8 سے 10 دن میں خود بخود ٹھیک ہو جاتا ہے۔

آشوب چشم کی وجہ سے پنجاب میں اسکول جمعرات سے بند ہیں۔

دوسری جانب لاہور آج دنیا کے آلودہ شہروں میں سرفہرست رہا، فضائی آلودگی سے آشوب چشم سمیت کئی بیماریاں بڑھنے کا خدشہ ہے۔