05 اکتوبر ، 2023 
حکومت کی شہریوں کو اپنے اکاؤنٹس کی معلومات کسی سے شیئر نہ کرنےکی ہدایت
05 اکتوبر ، 2023
وفاقی حکومت نے اسٹیٹ بینک کی جعلی ویب سائٹ فوری طور پر بلاک کرنے کی سفارش کرتے ہوئے شہریوں کو نوسربازوں سے محتاط رہتے ہوئے اپنے اکاؤنٹس کی معلومات کسی سے شیئر نہ کرنےکی ہدایت کردی۔
ذرائع کے مطابق وفاقی حکومت نے نوسربازی کے انسداد کے لیے وفاقی وزارتوں، ڈویژنز اور صوبائی حکومتوں کو مراسلہ جاری کیا ہے جس میں کہا گیا ہےکہ نوسرباز شہریوں کے اکاؤنٹس سے دھوکے سے رقم نکالنے میں ملوث ہیں، نوسرباز جعلی سرکاری لینڈ لائن نمبرز کے ذریعے متحرک ہیں، نوسربازخود کوبینک ملازم ظاہر کرکے شہریوں سے اوٹی پی اور دیگر معلومات حاصل کرتے ہیں۔
ذرائع کا کہنا ہے کہ وفاقی حکومت کے مراسلے میں اسٹیٹ بینک کی جعلی ویب سائٹ کو فوری بلاک کرنےکی سفارش کی گئی ہے۔
مراسلے میں صارفین کو اپنے اکاؤنٹس کی حساس معلومات شیئر نہ کرنے اور لاٹری اسکیموں، انعامی اسکیموں کے جعلی میسجز سے ہوشیار رہنےکی ہدایت کی گئی ہے۔
حکومت نے انٹرنیٹ بینکنگ ایپلی کیشنز، واٹس ایپ اور ای میل اکاؤنٹس کے لیے دوہرا تصدیقی نظام اپنانے کی سفارش کی ہے اور کہا ہے کہ ایپلی کیشنز ڈاؤن لوڈ کرنے سے پہلے ان کی تفصیلات چیک کرلی جائیں۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
