28 اکتوبر ، 2023 
کھیل
یہ ٹی ٹوئنٹی میچز کی سیریز نومبر اور دسمبر میں ہو گی اور آسٹریلوی ٹیم کی قیادت میتھیو ویڈ کریں گے__فوٹو: فائل
دورہ انڈیا کیلئے آسٹریلیا کے ٹی ٹوئنٹی اسکواڈ کا اعلان، میتھیو ویڈ کپتان مقرر
28 اکتوبر ، 2023
میلبرن : کرکٹ آسٹریلیا نے دورہ انڈیا کے لیے ٹی ٹوئنٹی اسکواڈ کا اعلان کر دیا۔
کرکٹر آسٹریلیا کے مطابق بیٹر میتھیو ویڈ آسٹریلیا کرکٹ اسکواڈ کے کپتان مقرر کیے گئے ہیں، آسٹریلیا کی ٹیم انڈیا میں ورلڈ کپ کے بعد پانچ ٹی ٹوئنٹی میچز کی سیریز کھیلے گی۔
یہ ٹی ٹوئنٹی میچز کی سیریز نومبر اور دسمبر میں ہو گی اور آسٹریلوی ٹیم کی قیادت میتھیو ویڈ کریں گے، اس کے علاوہ اسٹیو اسمتھ اور ڈیوڈ وارنر بھی اسکواڈکا حصہ ہیں۔
آشٹن آگر انجری کے باعث اسکواڈ میں شامل نہیں ہیں جب کہ مچیل مارش اور کیمرون گرین ورلڈ کپ کے بعد وطن واپس لوٹ جائیں گے۔
اس کے علاوہ پیٹ کمنز، مچیل اسٹارک اور جوش ہیزل ووڈ ٹیسٹ سیزن کی تیاری کے لیے وطن واپس جائیں گے۔
