04 نومبر ، 2023 
کھیل
پراسدھ کرشنا کی منظوری آئی سی سی ایونٹ ٹیکنیکل کمیٹی نے دی__فوٹو: فائل
بھارتی کرکٹ ٹیم کو بڑا دھچکا، اہم کھلاڑی ورلڈکپ سے باہر
04 نومبر ، 2023
آئی سی سی کرکٹ ورلڈکپ میں بھارتی ٹیم کو بڑا دھچکا لگا ہے کیونکہ آل راؤنڈر ہاردک پانڈیا ایونٹ سے باہر ہوگئے۔
انٹرنیشنل کرکٹ کونسل ( آئی سی سی ) کے مطابق ہاردیک پانڈیا ٹخنے کی انجری سی چھٹکارا نہیں پا سکے، وہ بنگلا دیش کے خلاف میچ میں انجری کا شکار ہوئے تھے۔
آئی سی سی کے مطابق ہاردک پانڈیا کی جگہ پراسدھ کرشنا کو اسکواڈ میں شامل کر لیا گیا ہے۔
پراسدھ کرشنا کی منظوری آئی سی سی ایونٹ ٹیکنیکل کمیٹی نے دی، پراسدھ کرشنا اتوار کو ساؤتھ افریقا کے خلاف میچ کے لیے دستیاب ہوں گے۔
واضح رہے کہ بھارتی ٹیم ورلڈکپ کے سیمی فائنل کے لیے کوالیفائی کرچکی ہے، بھارتی ٹیم ورلڈکپ 2023 کی وہ واحد ٹیم ہے جسے اب تک شکست نہیں ہوئی۔
