29 نومبر ، 2023 
خاتون جج کو دھمکانے کے کیس میں چیئرمین پی ٹی آئی کی بریت کی درخواست خارج
29 نومبر ، 2023
ڈسٹرکٹ اینڈ سیشن کورٹ اسلام آباد نےخاتون جج زیبا چوہدری کو دھمکانے کے کیس میں چیئرمین پی ٹی آئی عمران خان کی بریت کی درخواست خارج کر دی۔
ڈسٹرکٹ اینڈ سیشن کورٹ اسلام آباد میں مرید عباس خان کی عدالت نے محفوظ شدہ فیصلہ سنایا اور خاتون جج کو دھمکانے کے کیس میں چیئرمین پی ٹی آئی کی بریت کی درخواست خارج کی۔
سول جج مرید عباس کے فیصلے میں کہا گیا ہے کہ چیئرمین پی ٹی آئی خاتون جج دھمکی کیس میں بریت کے مستحق نہیں ہے۔
اس کے علاوہ سیشن کورٹ نے خاتون جج دھمکی کیس میں چیئرمین پی ٹی آئی کا ٹرائل شروع کرنے کا فیصلہ کیا۔
واضح رہے کہ عدالت نے فریقین کے دلائل مکمل ہونے پر چیئرمین پی ٹی آئی کی بریت کی درخواست پر فیصلہ محفوظ کیا تھا۔
عدالت نے خاتون جج کو دھمکانے کے کیس کی سماعت 20 دسمبر تک ملتوی کر دی۔
