04 دسمبر ، 2023 
پشاور میں غیر ملکی سیاح نے مبینہ طور پر خودکشی کرلی
04 دسمبر ، 2023
پشاور کے علاقے مراد آباد میں غیر ملکی سیاح نے مبینہ طور پر خودکشی کرلی۔
پولیس کے مطابق علاقہ مراد آباد میں اطالوی شہری نے مبینہ طور پر خودکشی کی، غیر ملکی سیاح کی شناخت جو شوا موائسز ورگاس کے نام سے ہوئی ہے۔
پولیس نے جائے وقوعہ سے شواہد اکھٹا کرکے مزید تفتیش شروع کردی ہے۔
اطالوی سیاح کو 9 اکتوبر کو سیاحتی ویزا جاری ہوا تھا اور متوفی 18 اکتوبرکو باچا خان انٹرنیشنل ائیرپورٹ سے پشاور میں داخل ہوا تھا۔
پولیس کے مطابق اطالوی سیاح عارضی طور پر نجی سوسائٹی کے فلیٹ میں مقیم تھا۔
ایس ایس پی آپریشنز کاشف آفتاب عباسی نے جیو نیوز کو بتایا کہ اطالوی سیاح نے مبینہ طور پر گلے میں پھندا ڈال کر خود کشی کی، کمرے سے رسی، خط، ڈائری اور موبائل فون سمیت دیگر اشیاء ملی ہیں۔
ایس ایس پی آپریشنز کا کہنا تھا کہ واقعہ تین چار دن پہلے ہوا ہے،لاش تحویل میں لے لی گئی ہے۔
مزید خبریں :
مظفر گڑھ: نرس سے زیادتی کی کوشش کرنیوالا مرکزی ملزم گرفتار
29 اکتوبر ، 2024
