بجلی صارفین کو زائد بل بھجوانےکامعاملہ، پاورڈویژن نے انکوائری کمیٹی تشکیل دے دی

اسلام آباد: بجلی کمپنیوں کی جانب سے صارفین کو  جان  بوجھ کر  زائد بل بھجوانےکے معاملے  پر  پاور ڈویژن نے 4  رکنی انکوائری کمیٹی تشکیل دے دی۔

پاور ڈویژن کی جانب سے کمیٹی کی تشکیل کا نوٹیفکیشن جاری کردیا گیا ہے۔

نوٹیفکیشن کے مطابق سابق سیکرٹری پاور ڈویژن عرفان علی کمیٹی کی سربراہی کریں گے، پاور ڈویژن کی جانب سے کمیٹی کے ٹی او آرز  بھی جاری کردیےگئے۔

کمیٹی ڈسکوز  اور  پی آئی ٹی سی کے ڈیٹا کی بنیاد  پر  نیپرا  رپورٹ کا جائزہ  لےگی، نیپرا تحقیقات کے لیے سیمپلنگ کے طریقہ کار کا بھی جائزہ لیاجائےگا، بجلی صارفین کو ایک ماہ  سے زائدکی  بلنگ کے معاملےکا جائزہ  لیا جائےگا، بجلی کمپنیوں کے افسران اور نیپرا کی تحقیقاتی ٹیم سے بھی  پوچھ گچھ کی جائےگی، کمیٹی15 روز کے  اندر اپنی سفارشات مرتب کرکے پیش کرےگی۔

نوٹیفکیشن کے مطابق کمیٹی مزید کارروائی کے لیے ذمہ داروں کا  تعین بھی کرے گی، کمیٹی اراکین میں ایم ڈی نیسپاک زرگام اسحاق خان، عابدلودھی کنسلٹنٹ یو ایس ایڈ، سابق ایم ڈی این ٹی ڈی سی ڈاکٹر فیاض چوہدری کمیٹی میں شامل ہیں۔

کے الیکٹرک سمیت بجلی کمپنیوں کی جانب سے ایوریج بل بھیجنے اور 30 دن سے زائد بلنگ کرنے کا انکشاف

کمپنیوں کی جانب سے 30 دن سے زائد کی بلنگ کرنے سے لاکھوں صارفین متاثر ہوئے، نیپرا نے کے الیکٹرک سمیت تمام بجلی کمپنیوں کےخلاف قانونی کارروائی کا فیصلہ کرلیا: اعلامیہ

نیپرا رپورٹ نے ڈسکوز کے میٹر ریڈنگ اور بلنگ پر سوالیہ نشان لگادیے: رضا ربانی

ڈسکوز سے متعلق رپورٹ میں سامنے آنے والے حقائق مجرمانہ سرگرمیوں کے مترادف ہیں، سینیٹر رضا ربانی