08 دسمبر ، 2023 
سندھ حکومت کا لاپتا شہری کے اہلخانہ کو معاوضہ دینے کا اعلان
08 دسمبر ، 2023
سندھ کی نگران حکومت نے لاپتا شہری کے اہلخانہ کو معاوضہ دینے کا اعلان کر دیا۔
سندھ ہائیکورٹ میں لاپتا افرادکی بازیابی سے متعلق درخواستوں پر سماعت کے دوران محکمہ داخلہ سندھ کے فوکل پرسن نے کہا کہ اہلخانہ کو معاوضہ دینے کی سمری سندھ حکومت کو بھیج دی گئی ہے، شہری یاسین کے اہلخانہ کو سندھ حکومت معاوضہ دے گی۔
جسٹس نعمت اللہ پھلپوٹو نے استفسار کیا تفتیش میں کیا کرکے آئے ہیں درخواست گزار کو مطمئن کریں، جس پر تفتیشی افسر نے بتایا 28 جے آئی ٹیز اور صوبائی ٹاسک فورس کے 14 اجلاس ہو چکے ہیں۔
پراسیکیوٹر نے بتایا کہ گمشده شہری کی تلاش جاری ہے، گمشده شخص محمد اکبر کی اہلیہ افغان شہری ہے، حلف نامے میں تصدیق ہو گئی ہے کہ خدیجہ بی بی افغان شہری ہیں، افغان شہری ہونے کے وجہ سے آرٹیکل 199 کے تحت آئینی درخواست دائر نہیں کر سکتیں۔
خدیجہ بی بی نے شوہر محمد اکبر کی بازیابی کے لیے درخواست دائر کی تھی۔
سندھ ہائیکورٹ نے دیگر لاپتا افراد کی بازیابی کے لیے عملی اقدامات کرنے کا حکم دیتے ہوئے شہری یاسین کے کیس میں 24 جنوری تک پیشرفت رپورٹ طلب کر لی۔
