مولانا فضل الرحمان عام انتخابات میں قومی اسمبلی کی 2 نشستوں سے الیکشن لڑیں گے
21 دسمبر ، 2023
اسلام آباد: جمعیت علماء اسلام (جے یو آئی) کے سربراہ مولانا فضل الرحمان آئندہ عام انتخابات میں قومی اسمبلی کی 2 نشستوں سے الیکشن لڑیں گے۔
مولانا فضل الرحمان بلوچستان اور خیبر پختونخوا سے قومی اسمبلی کا الیکشن لڑیں گے۔
وہ بلوچستان میں پشین اور خیبر پختونخوا میں اپنے آبائی حلقے ڈیرہ اسماعیل خان سے قومی اسمبلی کا الیکشن لڑیں گے۔
ذرائع کے مطابق مولانا فضل الرحمان جے یو آئی بلوچستان کی درخواست پر پشین سے الیکشن لڑ رہے ہیں۔
