14 جنوری ، 2024 
اسلام آباد کے تمام امیدواروں کو انتخابی نشانات جاری
14 جنوری ، 2024
اسلام آباد: ڈسٹرکٹ ریٹرننگ آفس اسلام آباد کی جانب سے تمام امیدواروں کو انتخابی نشانات جاری کر دیے گئے ہیں۔
ڈی آر آفس کے مطابق اسلام آباد کے 3 حلقوں سے مجموعی طورپر 119 امیدواروں کو انتخابی نشانات جاری کیے گئے ہیں۔
این اے46
این اے46 میں مجموعی طور پر44 امیدوار میدان میں اتریں گے، این اے46 سے 29 امیدوار آزاد حیثیت میں اور 16 جماعتوں کے امیدوار قسمت آزمائی کریں گے۔
این اے46 میں آزاد امیدوار مصطفین کاظمی کا انتخابی نشان پیراشوٹ جبکہ این اے46 میں شعیب شاہین کا انتخابی نشان شوز ہوگا۔
این اے47
دوسری جانب این اے47 سے مجموعی طورپر37 امیدوار مقابلے میں ہیں، این اے47 سے 25 آزاد امیدوار اور 12 مختلف سیاسی جماعتوں کے امیدواربھی میدان میں اتریں گے۔
این اے47 میں آزاد امیدوارچوہدری الیاس مہربان کوبیٹری ، مصطفیٰ نوازکھوکھر کو گھڑی کا نشان دیا گیا ہے جبکہ خواجہ سرا امیدوار کا انتخابی نشان سبزمرچ ہوگا۔
این اے 48
این اے48 میں مجموعی طور پر 38 امیدوار میدان میں اتریں گے، جس میں سے 27 امیدوار آزاد حیثیت میں الیکشن میں حصہ لیں گے اور 11 سیاسی جماعتوں کے نشان سے معرکہ آزمائیں گے۔
این اے 48 سے آزاد امیدوار راجہ خرم نواز کو انار اور علی بخاری کو پیراشوٹ کا نشان دیا گیا ہے۔
