15 جنوری ، 2024 
کراچی فضائی آلودگی میں سرفہرست آگیا
15 جنوری ، 2024
کراچی میں 24 گھنٹوں کے دوران موسم خشک اور خنک رہنے کا امکان ہے جب کہ فضائی آلودگی میں آج شہرِ قائد سرِ فہرست ہے۔
محکمہ موسمیات کے مطابق شہر میں رات اور صبح میں ہلکی دھند رہنے کا بھی امکان ہے جب کہ گزشتہ 24 گھنٹوں کے دوران کم سے کم درجہ حرارت 14ڈگری سینٹی گریڈ ریکارڈ کیا گیا۔
محکمہ موسمیات کا بتانا ہےکہ کراچی میں زیادہ سے زیادہ درجہ حرارت 26 سے28 ڈگری اور کم سے کم 14 سے 16ڈگری سینٹی گریڈ تک رہنے کا امکان ہے، ہوا میں نمی کا تناسب 73 فیصد ہے، شمال مشرق سے ہلکی رفتار سے ہوائیں چل رہی ہیں۔
فضائی آلودگی میں پہلے نمبر پر:
دنیا کے آلودہ ترین شہروں میں آج پیر کے روز کراچی پہلے نمبرپر ہے۔
ائیر کوالٹی انڈیکس کے مطابق کراچی کی فضا کا معیار 241 پرٹیکولیٹ میٹرز ریکارڈ کیا گیا ہے۔
اس کے علاوہ دنیا بھر کے آلودہ ترین شہروں میں دوسرا نمبر ڈھاکا اور تیسرا چینی شہر ووہان کا ہے، لاہور فضائی آلودگی میں آج ساتویں نمبر پر ہے۔
