17 جنوری ، 2024 
پاکستان
اوکاڑہ میں مریم نواز کے جلسے کے بعد اسٹیج پرپارٹی جھنڈا پھاڑنے اور مخالفانہ نعرے کی ویڈیو سوشل میڈیا پر وائرل ہوگئی— فوٹو: اسکرین گریب
مریم کے جلسے کے بعد اسٹیج پرپارٹی جھنڈا پھاڑنے کا مقدمہ درج، ملزم گرفتار
17 جنوری ، 2024
مسلم لیگ (ن) کے اوکاڑہ میں جلسے کے بعد اسٹیج پرپارٹی جھنڈ ا پھاڑنے کا مقدمہ درج کرلیا گیا۔
اوکاڑہ میں مریم نواز کے جلسے کے بعد اسٹیج پرپارٹی جھنڈا پھاڑنے اور مخالفانہ نعرے کی ویڈیو سوشل میڈیا پر وائرل ہوگئی۔
پولیس ذرائع نے بتایاکہ ملزمان نے جلسہ گاہ کے قریب لیگی جھنڈے اور بینر بھی جلائے تھے۔
لیگی کارکن عابد کی مدعیت میں 7 افراد کے خلاف مقدمہ درج کرلیا گیا ہے اور پولیس نے ایک ملزم کو گرفتار کرلیا۔
خیال رہے کہ 15 جنوری کو مریم نواز نے اوکاڑہ میں جلسہ کیا تھا اور الیکشن مہم کا آغاز کیا تھا۔
