21 جنوری ، 2024 
پاکستان
الیکشن کمیشن مسلم لیگ (ن) کے امیدوار شاہنواز رانجھا کی درخواست پر کل سماعت کرے گا— فوٹو:فائل
این اے 83 اور 85 پر انتخابات ملتوی ہونے کا کیس مقرر، امام اور پٹواری کو نوٹس جاری
21 جنوری ، 2024
الیکشن کمیشن نے این اے 83 اور 85 سرگودھا پر امیدوار کے انتقال کے سبب انتخابات کے التوا کے خلاف مسلم لیگ (ن) کے امیدوار شاہنواز رانجھا کی درخواست کل سماعت کیلئے مقرر کردی۔
الیکشن کمیشن نے ڈسٹرکٹ ریٹرننگ آفیسر (ڈی آراو)، ریٹرننگ آفیسر، امام مسجد، چوکیدار اور پٹواری کو بھی نوٹس جاری کردیے۔
خیال رہے کہ الیکشن کمیشن نے این اے 83 اور 85 پر آزاد امید وار صادق علی کے انتقال کے باعث انتخابات ملتوی کردیے تھے۔
ن لیگی امیدوار محسن شاہنواز رانجھا نے امیدوار کے انتقال کی تاریخ میں جعلسازی کا الزام لگایا تھا۔
