نیوکراچی میں دوروز قبل سیاسی جماعت کے جھگڑےکا زخمی بچہ انتقال کرگیا

کراچی کے علاقے نیو کراچی میں میں دو روز قبل سیاسی جماعت کے جھگڑے میں زخمی ہونے والا بچہ انتقال کرگیا۔

اسپتال انتظامیہ کے مطابق فائرنگ سے زخمی 11 سالہ عبد الرحمان جناح اسپتال کے نیورو وارڈ میں زیرعلاج تھا۔

اسپتال انتظامیہ کا کہنا ہے کہ زخمی بچے کی حالت دو روزسے تشویشناک تھی اور آج وہ انتقال کرگیا۔

دوسری جانب نیو کراچی سیکٹر 11 جے میں دو سیاسی جماعتوں کے درمیان تصادم کے واقعے پر اب تک کوئی گرفتاری عمل میں نہیں آ سکی۔

کراچی: دو سياسی جماعتوں میں جھگڑا، فائرنگ سے 2 بچوں سمیت 3 افراد زخمی

پیپلزپارٹی والوں نےہماری جماعت کے پرچم اتارے: خواجہ اظہار، فائرنگ واقعے میں جاں بحق ہونے والا بچہ اور زخمی پیپلزپارٹی کی کارنر میٹنگ میں شریک تھے: سعید غنی

مقدمہ ایم کیو ایم کے علاقائی عہدیدار محمد شاہد کی مدعیت میں درج کیا گیا تھا جس میں پیپلز پارٹی کے 5 سے 6 مبینہ کارکنان نامزد ہیں جبکہ 5 سے 6 نامعلوم افراد بھی  شامل ہیں۔ 

پولیس کا کہنا ہے کہ ملزمان کی گرفتاری کیلئے مختلف مقامات پر چھاپے بھی مارے لیکن مقدمات میں نامزد دونوں سیاسی جماعتوں کے کارکنان تاحال مفرور ہیں۔