منی ہائسٹ کی اداکارہ غزہ پر اسرائیلی مظالم کیخلاف بول پڑیں

نیٹ فلکس ڈرامہ سیریز منی ہائسٹ کی اداکارہ نے فلسطین میں جاری اسرائیلی بریریت پر آواز اٹھادی۔

اسپینش اداکارہ البا فلورس نے نیٹ فلکس کی مشہور ڈرامہ سیریز منی ہائسٹ میں 'نیروبی' کا کردار ادا کرکے  دنیا بھر میں مقبولیت حاصل کی۔

 اداکارہ نے اسپین کے شہر ویلاڈولڈ میں ہونے والے گویا ایوارڈ شو میں شرکت کی جہاں انہوں نے کالے رنگ کا لباس زیب تن کیا اور ایک بیج بھی لگارکھا تھا جس کے ذریعے اداکارہ نے معصوم فلسطینوں پر ڈھائے جانے والے مظالم کیخلاف آواز بلند کی۔

اداکارہ کے بیج پر 'اسلحے کی تجارت بند کرو، غزہ پر فائر بند کرو' لکھا ہوا تھا جب کہ اس دوران انٹرویو دیتے ہوئے اداکارہ نے کہا کہ مجھے نہیں معلوم تھا کہ مجھے بولنے کا موقع ملے گا یا نہیں، میں ایک یاد دہانی کرانا چاہتی ہوں کہ میرے لیے یہ تاریک میں ڈوبا وقت ہے کیونکہ غزہ میں ہزاروں لوگ مارے جا چکے ہیں۔

انہوں نے کہا کہ فلسطین میں جو کچھ ہو رہا ہے اسے یاد کیے بغیر یہاں آنا اور اپنی خوشی منانا میرے لیے مشکل ہے، اسی لیے میں نے ایک چھوٹا سا بیج پہنا ہے، میں جانتی ہوں کہ اس کیلئے یہ جگہ نہیں ہے لیکن یہ فلسطینیوں کو سننے کا وقت ہے اور ہم امید کرتے ہیں کہ اسپین کی حکومت جنگ کو روکنے کے لیے جو کچھ کرنا چاہیے وہ کر سکتی ہے۔

اداکارہ کا کہنا تھا کہ مجھے امید ہے کہ یہ نسل کشی ختم ہو جائے گی اور ہمیں جلد ہی ایک آزاد فلسطین ملے گا۔

میڈیا رپورٹس کے مطابق اداکارہ نے اس موقع پر فلسطین کے لیے امن کا پیغام دیا۔

واضح رہے کہ گزشتہ سال 7 اکتوبر سے غزہ پر جاری اسرائیلی حملوں کے نتیجے میں 28 ہزار کے قریب فلسطینی شہید ہوچکے ہیں۔

غزہ میں اسرائیلی فوج کی رفح پر بمباری سے 164 فلسطینی شہید

اسرائیلی وزیراعظم نے رفح میں زمینی آپریشن شروع کرنے کا فیصلہ کرتے ہوئے کہا کہ رفح میں بھی حماس کو نہیں چھوڑیں گے

اسرائیل کا رفح میں زمینی آپریشن کا فیصلہ، برطانیہ، سعودیہ اور امارات سمیت کئی ممالک کی مذمت

آپریشن کے اسرائیلی منصوبے کو روکا جائےفلسطینی پہلے ہی کئی بار بے گھر ہوچکے ہیں، ان کے پاس رفح سے آگے جانے کی کوئی جگہ نہیں: اقوام متحدہ