29 فروری ، 2024
ایم کیو ایم پاکستان کے سربراہ خالد مقبول صدیقی نے کہا ہے کہ حکومت میں جانے یا اپوزیشن میں بیٹھنے کے حوالے سے ابھی کوئی فیصلہ نہیں کیا ہے۔
جیو نیوز کے پروگرام آج شاہزیب خانزادہ کے ساتھ میں بات چیت کرتے ہوئے خالد مقبول صدیقی نے کہا کہ نہ ہم زبردستی حکومت میں جانا چاہتے ہیں اور نہ ہی ابھی تک ن لیگ کی طرف سے انکار آیا ہے۔
انہوں نے کہا کہ راستہ تعاون کا ہونا چاہیے، ضروری نہیں کہ وہ راستہ کابینہ سے ہوکر جائے۔
ایم کیو ایم سربراہ کا کہنا تھا کہ گورنر سندھ کون ہوگا یہ ن لیگ کو طے کرنا ہے، ہوسکتا کہ پیپلزپارٹی چاہتی ہو ایم کیو ایم کا گورنرنہ بنے لیکن مجھے نہیں لگتا کہ مسلم لیگ ن کا بھی یہی خیال ہوگا۔