10 مارچ ، 2024 
پاکستان
میرعلی میں مقامی علما چاند دیکھنے اور شہادتوں کے انتظار میں بیٹھے رہے— فوٹو:رپورٹر
رمضان کا چاند نظر نہیں آیا، شمالی وزیرستان میں غیرسرکاری رویت کمیٹی کا اعلان
10 مارچ ، 2024
خیبرپختونخوا کے ضلع شمالی وزیرستان میں مقامی اور غیر سرکاری رویت ہلال کمیٹی نے رمضان المبارک کا چاند نظر نہ آنے کا اعلان کیا ہے۔
میرعلی میں کمیٹی کے مولانا وقار الدین دیگر علمائے کرام کے ساتھ چاند دیکھنے اور شہادتوں کے انتظار میں بیٹھے رہے۔
کمیٹی ممبران کے مطابق چاند دیکھنے کا اہتمام کیا گیا تھا تاہم موسم ابرآلود ہونے کے باعث رمضان المبارک کا چاند نظر آنے سے متعلق کوئی شہادت موصول نہیں ہوئی۔
خیال رہے کہ ہر سال میرعلی حیدر خیل میں مقامی غیر سرکاری رویت ہلال کمیٹی دیگر ملک سے ایک دن قبل شہادت موصول ہونے پر رمضان اور عید کا اعلان کرتی ہے۔
