پرویز الٰہی پمز میں زیر علاج، پسلیوں میں درد کی شکایت

اسلام آباد: تحریک انصاف کے صدر  اور  سابق وزیراعلیٰ پنجاب پرویزالٰہی پمز اسپتال میں زیرعلاج ہیں جہاں ڈاکٹرز کی ٹیم آج  ان کا دوبارہ طبعی معائنہ کرے گی۔

پمز اسپتال ذرائع کے مطابق چوہدری پرویزالٰہی کو گزشتہ رات بھی پسلیوں میں درد کی شکایت رہی اور ڈاکٹرز ان کو درد کم کرنے کیلئے پین کلر دیتے رہے۔

اسپتال ذرائع کا کہنا ہےکہ پسلیوں میں درد کی وجہ سے پرویزالٰہی کو بیٹھنے میں مشکل ہورہی ہے،  پمز اسپتال کے  ڈاکٹرز کی ٹیم آج دوبارہ پرویزالٰہی کا معائنہ کرے گی۔

یاد رہے سابق وزیراعلیٰ پنجاب چوہدری پرویزالٰہی اڈیالہ جیل میں گر کر  زخمی ہوئے تھے جب کہ چند روز سے ان کی طبیعت ناساز ہے اور انہیں گزشتہ روز پمز میں داخل کیا گیا تھا۔

پرویز الٰہی جیل واش روم میں گرگئے، ہڈی میں فریکچر ہوگیا: جیل رپورٹ

لاہور کی اینٹی کرپشن کورٹ کے جج ارشد حسین بھٹہ نے پنجاب اسمبلی میں غیر قانونی بھرتیوں کے مقدمے کی سماعت کی

پی ٹی آئی صدر پرویز الٰہی کی طبیعت ناساز، چیک اپ کیلئے اسپتال منتقل

پی ٹی آئی صدر پرویز الٰہی کو سانس میں تکلیف اور جسم میں درد کی شکایات ہیں: ذرائع