29 جنوری ، 2013 
ایل این جی کی درآمد کیلئے ازسر نو بولی طلب
29 جنوری ، 2013
اسلام آباد…مشیر پٹرولیم ڈاکٹر عاصم حسین نے کہا ہے کہ اقتصادی رابطہ کمیٹی نے ایل این جی کی درآمد کیلئے ازسر نو بولی طلب کرنے کی منظوری دیدی ہے۔اسلام آباد میں میڈیا سے بات چیت میں ڈاکٹر عاصم حسین کا کہناتھا کہ ری بڈنگ 15 فروری تک ہوسکتی ہے۔اس سے پہلے 9 جنوری کو ہونے والی بڈنگ میں صرف ایک کمپنی نے حصہ لیا تھا۔ ڈاکٹر عاصم حسین کے مطابق مزید کمپنیوں کو راغب کرنے کے لیے دوبارہ بڈنگ ہوگی۔ جبکہ 9 جنوری کو طلب کی گئی بولی منسوخ ہوجائے گی۔ایل این جی درآمد کے عمل میں، پیپرا قوانین پر عمل درآمد یقینی بنانے اور ان کی خلاف ورزی کے ذمہ داروں کا تعین کرنے کیلئے ایک کمیٹی بھی تشکیل دی گئی ہے۔مشیر پیٹرولیم نے کہا کہ موجودہ پیپرا قوانین سے توانائی بحران حل نہیں ہوسکتا، ان میں ترامیم کی ضرورت ہے۔
مزید خبریں :
بجٹ میں صنعتوں کے فروغ کیلئے بھاری فنڈز رکھنےکا فیصلہ
06 جون ، 2025
سونے کی فی تولہ قیمت میں ہزاروں روپے کا اضافہ
05 جون ، 2025
