آئرلینڈ نے فلسطین کو تسلیم کرنے کا اعلان کر دیا

آئرلینڈ کے نو منتخب  وزیراعظم سائمن ہیرس نے فلسطین کو تسلیم کرنے کا اعلان کر دیا۔

آئرلینڈ کے شہر گیلوے میں ایک تقریب سے خطاب میں سائمن ہیرس نے اسرائیل سے غزہ میں جنگ بندی اور غزہ میں امداد کی فراہمی کا پُر زور مطالبہ کیا۔

انہوں نے کہا کہ اسرائیلی وزیراعظم نیتن یاہو آج مجھے یہ کہنے دیں، ہم آپ کے اقدامات سے بیزار ہو گئے ہیں، اب جنگ بندی کرو اور امداد کی رسائی محفوظ بناؤ۔

 سائمن ہیرس کا کہنا تھا کہ میرے دوستوں ہمیں دو ریاستی حل کی ضرورت ہے، اسرائیل اور فلسطین ساتھ ساتھ امن و سلامتی سے رہیں۔

انہوں نے مزید کہا کہ آج رات گیلوے سے میں اس بات پر زور دیتا ہوں کہ آئرلینڈ فلسطین کو ریاست تسلیم کرنے کے لیے تیار ہے۔

اسرائیلی جیل میں 38 سال سے قیدفلسطینی دانشور ولکھاری ولید دقہ انتقال کرگئے

فلسطینی دانشور ولید دقہ کو 1986 میں اسرائیلی فوجی کے قتل کے الزام میں گرفتار کیا گیا تھا

واضح رہے کہ آئرلینڈ طویل عرصے سے فلسطینی عوام کے حقوق کے لیے آواز اٹھاتا رہا ہے اور اس نے مسلسل فلسطینی علاقوں پر قبضے کے خاتمے اور ایک آزاد فلسطینی ریاست کے قیام کا مطالبہ کیا ہے۔

وزیر اعظم کا یہ بیان فلسطینی کاز کو آگے بڑھانے اور تنازعہ کے منصفانہ اور دیرپا حل کے حصول کے لیے ٹھوس اقدامات کرنے کے لیے آئرلینڈ کی آمادگی کی نشاندہی کرتا ہے۔