14 اپریل ، 2024 
ایران کا اسرائیل پر حملہ سفارتخانےکو نشانہ بنانے کے جرم کا مناسب جواب ہے: حماس
14 اپریل ، 2024
مقبوضہ فلسطین کی مزاحمتی تنظیم حماس نے ایران کے اسرائیل پر حملے کو شام کے دارالحکومت دمشق میں سفارتخانے کو نشانہ بنانے کے جرم کا مناسب جواب قرار دے دیا۔
گزشتہ شب ایران نے شام کے دارالحکومت دمشق میں ایرانی سفارتخانے پر حملے کا جواب دیتے ہوئے اسرائیل پر 300کے قریب ڈرون اور میزائل داغے۔
ایرانی میڈیا رپورٹ کے مطابق ایران نے اسرائیلی دفاعی تنصیبات کو نشانہ بنایا، گولان کی پہاڑیوں اور شام کے قریب اسرائیلی فوجی ٹھکانوں کو بھی نشانہ بنایا گیا۔
مقبوضہ فلسطین کی مزاحمتی تنظیم حماس نے ایرانی حملے کو فطری حق قرار دیا اور کہا کہ ایران کا حملہ دمشق میں ایرانی سفارتخانے کو نشانہ بنانے کے جرم کا مناسب جواب ہے۔
حماس نے عرب اور دیگر مسلمان اور خطے کی مزاحمتی قوتوں سے اپیل کی کہ مسجد اقصیٰ کی آزادی کیلئے آپریشن طوفان الاقصیٰ کی حمایت جاری رکھیں۔
مزید خبریں :
چین میں سونے کا سب سے بڑا ذخیرہ دریافت
7 گھنٹے پہلے
پالتو بلی نے پنجے مار کر اپنے مالک کو ہلاک کر دیا
29 نومبر ، 2024
