علی امین، مراد سعید سمیت پی ٹی آئی دور کے کابینہ ارکان کے نام ای سی ایل سے نکال دیے گئے

پاکستان تحریک انصاف (پی ٹی آئی) دور حکومت کی وفاقی کابینہ ارکان کے نام ایگزٹ کنٹرول لسٹ (ای سی ایل) سے نکال دیے گئے۔

ذرائع کے مطابق وفاقی حکومت نے قومی احتساب بیورو (نیب) کی سفارش پر نام ای سی ایل سے نکالنے کی منظوری دی۔

ذرائع کا کہنا ہے کہ بانی پی ٹی آئی عمران خان، ان کی اہلیہ بشریٰ بی بی، فرحت شہزادی اور ذلفی بخاری کے نام ای سی ایل پر برقرار رہیں گے۔

ذرائع کا بتانا ہے کہ موجودہ وفاقی کابینہ نے پی ٹی آئی کابینہ ارکان کےنام ای سی ایل سے نکالنےکی منظوری دی۔ ذرائع نے بتایاکہ وزیراعلیٰ خیبر پختونخوا علی امین گنڈا پور کا نام بھی ای سی ایل سے نکال دیا گیا، اس کے علاوہ غلام سرورخان، مراد سعید، پرویز خٹک، شفقت محمود کے نام بھی ای سی ایل سے نکال دیے گئے۔

ذرائع کے مطابق اعجاز شاہ، علی زیدی، خسروبختیار، اعظم سواتی، اسد عمر، عمر ایوب، محبوب سلطان، فواد چوہدری، فروغ نسیم اور شیریں مزاری کے نام بھی ای سی ایل سے نکال دیے گئے ہیں۔

190 ملین پاؤنڈ اسکینڈل: عمران خان کا نام ای سی ایل میں شامل

سابق وزیراعظم عمران خان کا نام نیب راولپنڈی کی سفارش پر ای سی ایل میں ڈالا گیا: ذرائع

وفاقی کابینہ نے 35 افراد کے نام ای سی ایل میں شامل کرنے کی منظوری دیدی

کابینہ نے4 افراد کو ون ٹائم اجازت کے تحت بیرون ملک جانے کی منظوری دیتے ہوئے 26 افراد کے کیسز مختلف وجوہات کی بنیاد پر مؤخرکردیے