23 اپریل ، 2024 
امریکا نے بھارت میں انسانی حقوق کی خلاف ورزیوں پر رپورٹ جاری کردی
23 اپریل ، 2024
امریکا نے گزشتہ سال بھارت میں انسانی حقوق کی صورتحال کے حوالے سے رپورٹ جاری کردی۔
رپورٹ کے مطابق گزشتہ سال بھارتی ریاست منی پور میں نسلی تنازعات کے دوران انسانی حقوق کی سنگین خلاف ورزیاں ہوئیں۔
امریکی محکمہ خارجہ کی بھارت میں انسانی حقوق سے متعلق سالانہ رپورٹ کے مطابق منی پور میں کوکی اور میتی قبائل کے درمیان پُرتشدد واقعات میں 200 سے زیادہ افراد جان سے ہاتھ دھو بیٹھے جبکہ مئی اور نومبر کے درمیان 60 ہزار سے زیادہ افراد بے گھر ہوئے۔
رپورٹ میں کہا گیا کہ بھارت کے دیگر حصوں میں اقلیتوں، صحافیوں اور اختلاف رائے رکھنے والوں پر حملے کیے گئے۔
رپورٹ کے مطابق بھارتی حکومت اور اس کے اتحادیوں نے حکومت پر تنقید کرنے والے میڈیا اداروں پر دباؤ ڈالا یا ہراساں کیا، بھارت کی مذہبی اقلیتوں نے تشدد اور غلط معلومات پھیلانے سمیت امتیازی سلوک کو رپورٹ کیا۔
مزید خبریں :
چین میں سونے کا سب سے بڑا ذخیرہ دریافت
3 گھنٹے پہلے
پالتو بلی نے پنجے مار کر اپنے مالک کو ہلاک کر دیا
29 نومبر ، 2024
