14 مئی ، 2024 
قومی سلامتی کے معاملات کو خطوط کے ذریعے اجاگر نہیں کرنا چاہیے: وفاقی وزیر اطلاعات
14 مئی ، 2024
وفاقی وزیر اطلاعات عطا تارڑ نے جسٹس بابر ستار کے خط پر ردعمل دیتے ہوئے کہا ہے کہ قومی سلامتی کے معاملات کو اس طرح خطوط کے ذریعے اجاگر نہیں کرنا چاہیے۔
وفاقی وزیر اطلاعات عطا تارڑ کے ہمراہ پریس کانفرنس میں میڈیا سے بات کرتے ہوئے وفاقی وزیر قانون کا کہنا تھا کہ ایسا تاثر پیدا کیا گیا جیسے عدلیہ میں مداخلت ہے، 6 ججز کے خط پر کمیشن اس لیے بنایا گیا تھا کہ دودھ کا دودھ اور پانی کا پانی ہو۔
انہوں نے کہا کہ اٹارنی جنرل آفس نے عدالت سے حساس ایشوز پر ان کیمرا سماعت کی درخواست کی تھی۔
وفاقی وزیر اطلاعات نے کہا کہ کسی نے یہ پیغام نہیں دیا کہ آپ پیچھے ہٹ جائیں صرف ان کیمرا سماعت کی درخواست تھی، اٹارنی جنرل ریاست کے نمائندے ہیں ان کی درخواست پر حقائق سے ہٹ کر خط لکھا گیا۔
انہوں نے کہا کہ اس معاملے کو اتنا آگے مت لے کر جائیے، بات سمجھیے یہ قومی سلامتی کا معاملہ ہے، قومی سلامتی کے معاملات کو اس طرح خطوط کے ذریعے اجاگر نہیں کرنا چاہیے۔
